ឥណ្ឌូណេស៊ី៖ ទីភ្នាក់ងារភ្នំភ្លើង PVMBG របស់ប្រទេសឥណ្ឌូណេស៊ី បាននិយាយថា ភ្នំភ្លើង Anak Krakatau របស់ប្រទេសនេះ បានផ្ទុះឡើងពីរដងនៅព្រឹកថ្ងៃសុក្រ (៩ មិថុនា)នេះ ដោយបានព្រួសផ្សែងផេះភ្នំភ្លើងកម្ពស់ដល់ទៅ ៣ គីឡូម៉ែត្រ (១,៨៦ ម៉ាយ) ទៅលើអាកាស។

សំណុំផ្សែងផេះដ៏ក្រាស់ និងខ្មៅងងឹតត្រូវបានគេមើលឃើញថាកំពុងបាញ់ឡើងលើ និងឆ្ពោះទៅទិសនិរតី ដូចដែលបានបង្ហាញនៅក្នុងវីដេអូកាមេរ៉ា CCTV ដែលថតបានពីប៉ុស្តិ៍ឃ្លាំមើលដែលនៅជិតបំផុត។

ក្រុមអាជ្ញាធរបាននិយាយថា លំនៅឋានប្រជាជនដែលនៅជិតនោះបំផុតគឺស្ថិតនៅចម្ងាយ ១៦,៥ គីឡូម៉ែត្រពីភ្នំភ្លើងដែលមានកម្ពស់១៥៧ ម៉ែត្រនេះ ហើយពុំមានសេចក្តីរាយការណ៍ពីគ្រោះថ្នាក់ និងការជម្លៀសមុស្សទេ បន្ទាប់ពីការផ្ទុះនេះ។

ទីភ្នាក់ងារភ្នំភ្លើងនេះ បានព្រមានបណ្ដាអ្នកស្រុកមិនឱ្យធ្វើសកម្មភាពណាមួយក្នុងរង្វង់ប្រាំគីឡូម៉ែត្រ (៣,១១ ម៉ាយ) ពីតំបន់ជុំវិញនោះឡើយ៕