បារាំង ៖ នាយកប្រតិបត្តិក្រុមហ៊ុន Prologium បាននិយាយ នៅថ្ងៃសុក្រនេះថា ក្រុមហ៊ុនផលិត​អាគុយ​រថយន្តអគ្គិសនី​របស់កោះតៃវ៉ាន់ ProLogium កំពុងសហការជាមួយរដ្ឋាភិបាលបារាំង ដើម្បីទទួលបាននូវការ​ឧបត្ថម្ភធនដល់​រោងចក្រ​ផលិត​អាគុយនេះចំនួន ៥,២ពាន់លានអឺរ៉ូ (៥,៧ពាន់លានដុល្លារ) ដែលក្រុមហ៊ុននឹងសាងសង់ នៅភាគខាង​ជើងនៃប្រទេសបារាំង។

លោក Vincent Yang បានប្រាប់អ្នកយកព័ត៌មាន នៅទីក្រុងតៃប៉ិថា ភាគីនានាកំពុង ស្ថិតក្នុងដំណាក់កាល​ចុងក្រោយ​នៃកិច្ចពិភាក្សា ហើយថា លោករំពឹងថា នឹងមានសេចក្តីប្រកាសរួមគ្នាមួយនៅចុងឆ្នាំនេះ តែយ៉ាងណាក្ដី លោក Yang និងនាយកការិយាល័យបារាំងនៅទីក្រុងតៃប៉ិ លោក Jean-Francois Casabonne-Masonnave (ហ្សង់-ហ្វ្រង់ស្វ័រ កាសាបោន ម៉ាសោនណាហ្វ) មិនបានអត្ថាធិប្បាយលម្អិតពីទំហំនៃការឧបត្ថម្ភធន ដែលកំពុងត្រូវបានពិភាក្សានោះទេ។

ជាមួយនឹងពាក្យឆ្លើយតបខ្លីៗ លោក Yang បាននិយាយថា៖ «ប្រសិទ្ធភាពរបស់រដ្ឋាភិបាលបារាំងគឺ គួរឲ្យចាប់​អារម្មណ៍​ណាស់។

កាលពីខែមុន ប្រធានាធិបតីបារាំងលោកអេម៉ានុយអែល ម៉ាក្រុង (Emmanuel Macron) បានប្រកាសពីការវិនិយោគ​របស់​ក្រុមហ៊ុន ProLogium នៅក្នុងតំបន់ Dunkirk ភាគខាងជើងរបស់ប្រទេសបារាំង៕