ក្រុមសហជីពសង្ឃឹមថា ជំនួយឥតសំណងចំនួន ៣០ លានដុល្លារអាមេរិក ដើម្បីផ្ដល់អគ្គិសនីឲ្យត្រាក់ទ័រនៅទីក្រុងឡងប៊ិច រដ្ឋកាលីហ្វ័រញ៉ាសហរដ្ឋអាមេរិក ដែលជំរុញឲ្យស្ថានីយកំពង់ផែក្លាយជាទីបញ្ចេញឧស្ម័នបំពុលស្មើសូន្យដំបូងបង្អស់របស់ពិភពលោក នឹងដើរតួនាទីជារបាំងការពារប្រឆាំងការបាត់បង់ការងារនៅក្នុងយុគសម័យនៃការអន្តរកាលថាមពល និងការបង្កើនស្វ័យកម្ម។

ថវិកាដែលបានពីរដ្ឋបាលរបស់ប្រធានាធិបតីអាមេរិកលោក Joe Biden សម្រាប់ការទិញត្រាក់ទ័រផ្គត់ផ្គង់អគ្គិសនីឲ្យស្ថានីយកុងតេន័រផ្ទុកទំនិញរបស់ទីក្រុងឡុងប៊ិចចំនួន ៦០ គ្រឿងដែលដឹកកុងតេន័រដឹកជញ្ជូនពីកន្លែងផ្ទុកទៅកាន់រថភ្លើងរង់ចាំមកជាមួយខ្សែភ្ជាប់ ដែលជាឧបករណ៍ថ្មីដំណើរការដោយមនុស្ស។

ខណៈដែលជំនួយចំនួន ៣០ លានដុល្លារគឺជាការបែងចែកនៃការចំណាយសរុបនៃកម្មវិធីទំនើបកម្ម ២,៥ ពាន់លានដុល្លាររបស់ស្ថានីយនោះ ក្រុមសហជីព និងសម្ព័ន្ធមិត្តរបស់ពួកគេសង្ឃឹមថាខ្លួន និងអ្នកផ្សេងទៀតពេញចិត្តនឹងកម្មវិធីនេះ ហើយវានឹងបង្ហាញពីតម្លៃនៃការកំណត់អាទិភាពការងារ ខណៈដែលនិយោជកអាមេរិកទទួលយកបច្ចេកវិទ្យាបៃតង។

ថវិកាត្រាក់ទ័រផ្គត់ផ្គង់អគ្គិសនីរបស់ស្ថានីយឡុងប៊ិច បានមកពីកម្មវិធីអភិវឌ្ឍន៍ហេដ្ឋារចនាសម្ព័ន្ធកំពង់ផែចំនួន ៦៨៤ លានដុល្លារ កាលឆ្នាំ២០២២ ដែលផ្តល់មូលនិធិដល់គម្រោងដូចជាការកែលម្អប្រសិទ្ធភាពទំនិញ និងកាត់បន្ថយការបំភាយឧស្ម័នពុល។

ចំណុចសំខាន់គឺកិច្ចខិតខំប្រឹងប្រែងទាំងនោះមិនត្រូវរាប់បញ្ចូលការដំឡើងឧបករណ៍ ឬហេដ្ឋារចនាសម្ព័ន្ធដែលនឹងបណ្តាលឱ្យបាត់បង់ការងារជាក់ស្តែង ឬកាត់បន្ថយគុណភាពការងាររបស់កម្មករនោះទេ៕