តារាងតម្លៃនៅរោងចក្ររបស់ប្រទេសចិន បានធ្លាក់ចុះក្នុងល្បឿនលឿនបំផុតក្នុងរយៈពេលប្រាំពីរឆ្នាំគិតត្រឹមខែឧសភា និងលឿនជាងការព្យាករណ៍ ដោយសារការធ្លាក់ចុះនៃតម្រូវការបានដាក់បន្ទុកលើវិស័យផលិតកម្មដែលមានល្បឿនយឺត ហើយបានធ្វើឲ្យមានភាពមិនច្បាស់លាស់ជុំវិញការស្ទុះងើបឡើងវិញនៃសេដ្ឋកិច្ចដ៏ផុយស្រួយនេះ។
ខណៈកំណើនអត្រាការប្រាក់ និងអតិផរណាបានបង្អាក់តម្រូវការនៅសហរដ្ឋអាមេរិក និងអឺរ៉ុប ប្រទេសចិនមានភាពផ្ទុយស្រឡះ គឺប្រទេសនេះកំពុងទប់ទល់នឹងការធ្លាក់ចុះយ៉ាងខ្លាំងនៃតម្លៃជាមួយនឹងបណ្ដារោងចក្រ ដែលទទួលបានតិចជាងសម្រាប់ផលិតផលរបស់ពួកគេពីទីផ្សារក្រៅប្រទេសសំខាន់ៗ។
ការិយាល័យស្ថិតិជាតិ (NBS) បាននិយាយនៅថ្ងៃសុក្រនេះថា សន្ទស្សន៍តម្លៃអ្នកផលិត (PPI) សម្រាប់ខែឧសភាបានធ្លាក់ចុះក្នុងរយៈពេលប្រាំបីខែជាប់ៗគ្នាដោយធ្លាក់ចុះចំនួន ៤,៦% ។ នោះគឺជាការធ្លាក់ចុះដ៏លឿនបំផុតចាប់តាំងពីខែកុម្ភៈ ឆ្នាំ២០១៦មក ហើយតួលេខនោះធំជាងការធ្លាក់ចុះ ៤,៣% នៅក្នុងការស្ទង់មតិរបស់សារព័ត៌មាន រ៉យទ័រ។
សេដ្ឋកិច្ចរបស់ប្រទេសចិនបានកើនឡើងលឿនជាងការរំពឹងទុកនៅក្នុងត្រីមាសទីមួយ ប៉ុន្តែសូចនាករណ៍ថ្មីៗបង្ហាញថាតម្រូវការកំពុងធ្លាក់ចុះយ៉ាងឆាប់រហ័សជាមួយនឹងការនាំចេញ ការនាំចូល ព្រមទាំងសកម្មភាពរោងចក្របានធ្លាក់ចុះកាលពីខែឧសភា៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
