ភ្លៀងធ្លាក់ខ្លាំងមិនឈប់ឈរបានជន់លិចផ្នែកខ្លះនៃភាគនិរតីប្រទេសចិននៅថ្ងៃសុក្រ (៩ មិថុនា)នេះ ដោយបង្កឲ្យមានទឹកជំនន់នៅក្នុងទីក្រុងនានា ធ្វើឲ្យផ្នែកខ្លះនៃផ្លូវថ្នល់ និងអគារមួយចំនួនត្រូវទឹកជន់លិច។
ការធ្លាក់ភ្លៀងដំបូងដ៏ខ្លាំងក្លានៃភ្លៀងរដូវក្ដៅដែលត្រូវបានគេស្គាល់ក្នុងស្រុកថាជា "ទឹកនាគ" បានធ្លាក់ក្នុងទីក្រុងប៉ីហៃក្នុងខេត្តក្វាងស៊ី ដោយភ្លៀងមានទំហំ ៤៥៣ មិល្លីម៉ែត្រកាលពីថ្ងៃព្រហស្បតិ៍។ នោះគឺជាកំណត់ត្រាប្រចាំថ្ងៃក្នុងតំបន់សម្រាប់ខែមិថុនា នេះបើយោងតាមរដ្ឋបាលឧតុនិយមចិន។
ទូរទស្សន៍រដ្ឋ CCTV បានរាយការណ៍ថា ទីក្រុង Yulin ក្បែរនោះមានភ្លៀងធ្លាក់រយៈពេល ៣៥ ម៉ោង គិតត្រឹមម៉ោង ៧ព្រឹក ម៉ោងក្នុងស្រុក នៅថ្ងៃសុក្រនេះ។ ការិយាល័យអាកាសធាតុបានរាយការណ៍ថា ភ្លៀងត្រូវបានព្យាករណ៍ថានឹងបន្តនៅតំបន់ភាគខាងត្បូងនៃប្រទេសចិនក្នុងរយៈពេលប៉ុន្មានថ្ងៃខាងមុខនេះ ខណៈដែលភាគឦសានក៏ត្រូវបានគេរំពឹងថានឹងទទួលរងការវាយប្រហារដោយព្យុះផ្គររន្ទះភ្លាមៗផងដែរ។
ខេត្តហឺណាន ភាគកណ្តាលនៃប្រទេសចិន នាពេលថ្មីៗនេះ ត្រូវបានវាយប្រហារដោយភ្លៀងធ្លាក់ខ្លាំង ដែលបណ្តាលឱ្យដំណាំដុះពន្លកឆាប់រហ័សពេក ឬរងការវាយប្រហារដោយជំងឺបំផ្លាញផ្សេងៗ ដែលបង្កឱ្យមានការព្រួយបារម្ភអំពីសន្តិសុខស្បៀង៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
