អាមេរិក ៖ បេក្ខជនប្រធានាធិបតីមកពីគណបក្សសាធារណរដ្ឋ និងជាអតីតអនុប្រធានាធិបតីលោក Mike Pence កាលពីថ្ងៃសុក្រ ទី១០ ខែមិថុនា បាននិយាយថាលោកមានការព្រួយបារម្ភយ៉ាងខ្លាំង​ចំពោះការចោទ​ប្រកាន់មកលើ​អតីតប្រធានាធិបតី លោក Donald Trump ហើយបានអំពាវនាវឱ្យរដ្ឋមន្ត្រីក្រសួងយុត្តិធម៌លោក Merrick Garland ដកចេញការចោទប្រកាន់នេះ។ លោក Pence បាននិយាយក្នុងអំឡុងពេលបញ្ឈប់យុទ្ធនាការនៅទីក្រុង Derry រដ្ឋ New Hampshire(ញូវ ហែមស្ហៀ) ថា វាពុំមែនគ្រាន់តែជាថ្ងៃដ៏សោកសៅនោះទេ ប៉ុន្តែវាជាថ្ងៃដ៏ស្មុគស្មាញ។ វានាំមកនូវភាពមិនចុះសម្រុងគ្នានៅក្នុងប្រទេសនេះ ដែលអាចត្រូវបានឆ្លើយតែជាមួយការពិតប៉ុណ្ណោះ។ យោងតាមឯកសាររបស់តុលាការសហព័ន្ធដែលបានផ្សព្វផ្សាយជាសាធារណៈកាលពីថ្ងៃសុក្របានឲ្យដឹងថា លោក Trump ប្រឈមមុខនឹងករណីព្រហ្មទណ្ឌចំនួន៣៧ករណី ដែលរួមមានទាំងការចោទប្រកាន់ពីបទរក្សា​ទុកឯកសារម្ងាត់​បំផុតដោយគ្មានការអនុញ្ញាត និងការសមគំនិតរារាំងដំណើរការស្វែងរកយុត្តិធម៌បន្ទាប់ពីលោក​បានចាកចេញពីសេតវិមាន​ក្នុងឆ្នាំ ២០២១។ ក្រសួងយុត្តិធម៌ បានប្រកាសឯកសារចោទប្រកាន់ជាសាធារណៈនៅថ្ងៃដ៏ច្របូកច្របល់មួយ ដែលមេធាវីរបស់លោក Trump ពីរនាក់ បានដកខ្លួនពីរឿងក្តីនេះ ហើយអតីតជំនួយការបានប្រឈមនឹង​ការចោទប្រកាន់នេះ។ បទចោទប្រកាន់នានា កើតចេញពីការប្រព្រឹត្តរបស់លោក Trump ចំពោះសម្ភារៈដ៏សម្ងាត់​របស់រដ្ឋាភិបាល ដែលលោកបាននាំយកមកជាមួយនៅពេលដែលលោកចាកចេញពីសេតវិមានក្នុងខែមករា ឆ្នាំ ២០២១ ។ លោក Pence បាននិយាយថា គ្មាននរណាម្នាក់នៅពីលើច្បាប់នោះទេ ប៉ុន្តែបាននិយាយថា អតីតប្រធានាធិបតីពុំបាន​ដឹងរហូត​ដល់កំហុសត្រូវបានគេបង្ហាញ។ អតីតអនុប្រធានាធិបតីរូបនេះ បានចូលរួមជាមួយបេក្ខជន​ប្រធានាធិបតីមក​ពីគណបក្សសាធារណរដ្ឋមួយចំនួន និងគូប្រជែងសំខាន់ៗរបស់លោក Trump សម្រាប់ការតែងតាំងបេក្ខជន​ប្រធានាធិបតីគណបក្សសាធារណរដ្ឋឆ្នាំ ២០២៤ ដែលបានថ្កោលទោសក្រសួងយុត្តិធម៌សម្រាប់ចំណាត់ការ​របស់ខ្លួនដើម្បីចោទប្រកាន់លោកលើការកាន់កាប់ឯកសារសម្ងាត់ ដែលបញ្ជាក់ពីការព្រួយបារម្ភរបស់ពួក​គេក្នុងការធ្វើឱ្យអ្នកគាំទ្រសំខាន់របស់លោកខកចិត្ត។