ឥណ្ឌា ៖ ទីក្រុង Siliguri នៅភាគខាងកើតនៃប្រទេសឥណ្ឌា គេប្រទះឃើញផ្លែស្វាយ Miyazaki ជាប្រភេទផ្លែស្វាយ​មួយក្នុងចំណោមផ្លែស្វាយថ្លៃបំផុតលើលោកដែលដាំដុះនៅប្រទេសជប៉ុន ដែលកំពុងត្រូវបានដាក់តាំងបង្ហាញ និងលក់ក្នុងតម្លៃជាង ១.២០០ដុល្លារក្នុងមួយគីឡូក្រាម នៅពិធីបុណ្យផ្លែស្វាយ Geetanjali Mango លើកទី៧ កាលពីថ្ងៃសុក្រ (ទី៩ ខែមិថុនា)។

ផ្លែស្វាយ Miyazaki ដែលត្រូវបានគេដាក់ឈ្មោះតាមទីក្រុងជប៉ុន ដែលជាកន្លែងដាំដុះស្វាយប្រភេទនេះដំបូងនោះ មានតម្លៃខ្ពស់ ដោយសារតែឱជារសដ៏សម្បូរបែប និងសាច់ដែលមានជាតិទឹកដោះគោ ព្រមទាំងរសជាតិ​ផ្អែមឈ្ងុយរបស់វា។

អតិថិជនម្នាក់ឈ្មោះ Sandy Acharya បាននិយាយថា៖ «ម្ចាស់ហាងប្រាប់ថា ផ្លែស្វាយ Miyazaki មួយគីឡូក្រាម មានតម្លៃ ១០០.០០០រ៉ូពី (១,២១៣ដុល្លារ) ហើយខ្ញុំភ្ញាក់ផ្អើលនៅពេលដឹងថា ស្វាយនេះថ្លៃប៉ុណ្ណា»។

ដោយប្រើវិធីផ្សាំ ពូជស្វាយជប៉ុន ឥឡូវនេះ ត្រូវបានដាំនៅភូមិ Labhpur ស្រុក Birbhum ភាគខាងកើត៕