កំពង់ធំ៖ អាជ្ញាធរស្រុកប្រាសាទសំបូរ ខេត្តកំពង់ធំ បានបញ្ជាក់ថា លទ្ធផលតេស្តសំណាកប្រជាពលរដ្ឋជាង ១០០នាក់ ដែលបានប៉ះពាល់ជាមួយនឹងអ្នកជំងឺកូវីដ១៩ បង្ហាញថា ពួកគាត់មិនបានឆ្លងមេរោគកូវីដ១៩នោះទេ។
អភិបាលស្រុកប្រាសាទសំបូរ លោក អ៊ុត វណ្ណារ៉ា បានបញ្ជាក់បែបនេះនៅលើហ្វេសប៊ុករបស់លោកកាលពីថ្ងៃម្សិលមិញនេះ។
អភិបាលស្រុករូបនេះ បានបញ្ជាក់ឱ្យដឹងទៀតថា ប្រជាពលរដ្ឋដល់ទៅ ១២៥នាក់ ត្រូវបានដាក់ឱ្យធ្វើចត្តាឡីស័ក ឬរក្សាខ្លួនដាច់ដោយឡែករយៈពេល ២សប្ដាហ៍ បន្ទាប់ពីពួកគាត់បានប៉ះពាល់ដោយផ្ទាល់ និងដោយប្រយោលជាមួយគ្រួសារមួយនៅភូមិតាំងស្ទោង ស្ថិតក្នុងឃុំតាំងក្រសៅ ដែលត្រូវបានរកឃើញឆ្លងមេរោគកូវីដ១៩កាលពីថ្ងៃទី១៨ ខែមេសាកន្លងមកនេះ។
លោក អ៊ុត វណ្ណារ៉ា រៀបរាប់ថា ថ្នាក់ដឹកនាំខេត្ត និងស្រុក បានសប្បាយរីករាយ បន្ទាប់ពីលទ្ធផលនៃការពិនិត្យសំណាកលើពលរដ្ឋទាំង ១២៥នាក់ បង្ហាញថា ពួកគាត់មិនមានឆ្លងមេរោគកូវីដ១៩នោះ៕អត្ថបទ ៖ សុធី
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
