រុស្ស៊ី ៖​ ទីភ្នាក់ងារព័ត៌មានរដ្ឋរុស្ស៊ី RIA Novosti បាន​រាយការណ៍ថា ​នៅ​ថ្ងៃអង្គារនេះ ក្មេងៗ​យ៉ាងហោចណាស់​ក្មេងៗចំនួន​​​១១នាក់​ បានស្លាប់​ និង​មនុស្ស ​៤នាក់ផ្សេងទៀត ​រង​របួស ក្នុង​ហេតុការណ៍​បាញ់ប្រហារនៅសាលារៀន​ ស្ថិតនៅទីក្រុងភាគនិរតី កាហ្សាន់ ។

យោង​តាមសេចក្តីរាយការណ៍ពីទីភ្នាក់ងារព័ត៌មាន Interfax បានឲ្យដឹងថា ​ខ្មាន់កាំភ្លើង ២នាក់ ​បើកការបាញ់ប្រហារមកលើសាលារៀន ហើយម្នាក់​ក្នុងចំណោមពួកគេ​ដែល​មាន​អាយុ ១៧ឆ្នាំ ត្រូវបានចាប់ខ្លួន ។

ក្រុមមន្រ្តីក្នុងស្រុក ​បាននិយាយថា ​កុមារមួយចំនួន ត្រូវបាន​ជម្លៀសខ្លួនចេញពីសាលារៀន ប៉ុន្តែ​កុមារមួយចំនួនទៀត​ នៅជាប់ខ្លួន​នៅក្នុងអគារនៅឡើយ ។

ក្រុមអាជ្ញាធរ ​បាននិយាយថា វិធានការសន្តិសុខបន្ថែមទៀត បាន​ដាក់នៅនឹងកន្លែង​នៅ​គ្រប់​សាលារៀនទាំងអស់នៅក្នុងទីក្រុងកាហ្សាន់​ ដែល​ជារដ្ឋធានី​ នៃតំបន់តាតាស្ថាន ប្រទេសរុស្ស៊ី ។ បច្ចុប្បន្ន ក្រុមនគរបាល ​កំពុងបើកការស៊ើបអង្កេតលើមូលហេតុដែល​នាំឲ្យកើតមាន​ឧប្បត្តិ​ហេតុ​បាញ់ប្រហារនេះឡើង ៕