ភ្នំភ្លើង Kilauea ជាភ្នំភ្លើងមួយចំណោមភ្នំភ្លើងសកម្មបំផុតក្នុងពិភពលោក បានបន្តព្រួសចេញម្អែភ្នំភ្លើងជាបន្តបន្ទាប់។ ភ្នំភ្លើងនៅលើកោះដ៏ធំរបស់រដ្ឋហាវ៉ៃមួយនេះ បានចាប់ផ្តើមផ្ទុះកាលពីថ្ងៃពុធបន្ទាប់ពីការផ្អាករយៈពេលបីខែ។

ទីភ្នាក់ងារស្ទង់ភូគព្ភសាស្ត្រអាមេរិក (USGS) បាននិយាយកាលពីថ្ងៃពុធថា ភ្នំភ្លើង Kilauea នៅលើកោះដ៏ធំរបស់រដ្ឋហាវ៉ៃបានផ្ទុះឡើងកាលពីព្រឹកថ្ងៃពុធ (៧ មិថុនា) ហើយបច្ចុប្បន្នលំហូរកម្អែភ្នំភ្លើងនេះបានក្រាំងជាប់ទៅក្នុងរណ្ដៅជុំវិញនោះ។

ទីភ្នាក់ងារ USGS បាននិយាយថាភ្នំភ្លើង Kilauea បានផ្ទុះចុងក្រោយកាលពីខែមករា ដែលមានសកម្មភាពកម្រើករហូតដល់ខែមីនា។

អង្គការសង្កេតការណ៍ភ្នំភ្លើងហាវ៉ៃ (HVO) បានរកឃើញបន្ទុះនៅក្នុងរូបភាពកាមេរ៉ាបណ្ដាញរបស់ភ្នំភ្លើង Kilauea កាលពីថ្ងៃពុធនៅម៉ោង ៤:៤៤ ព្រឹកម៉ោងក្នុងស្រុក ដែលបង្ហាញពីការផ្ទុះថ្មីមួយ។

ដោយស្ថិតនៅក្នុងតំបន់បិទជិតនៃឧទ្យានជាតិភ្នំភ្លើងរដ្ឋហាវ៉ៃ ភ្នំភ្លើង Kilauea គឺជាភ្នំភ្លើងងសកម្មបំផុតមួយរបស់ពិភពលោក។ កាលឆ្នាំ ២០១៩ ការរញ្ជួយដី និងការផ្ទុះដ៏ធំនៅភ្នំភ្លើង Kilauea បាននាំឱ្យមានការបំផ្លិចបំផ្លាញផ្ទះប្រជាជនរាប់រយខ្នង និងអាជីវកម្មជាច្រើន៕