​ប្រធានាធិបតី​ម៉ិ​ក​ស៊ិ​កលោក Andres Manuel Lopez Obrador មកពី​គណបក្ស​ចលនា​សង្គ្រោះ​ជាតិ​ឡើងវិញ (MORENA) ដែល​កំពុង​កាន់អំណាច បាន​និយាយ​កាលពី​ថ្ងៃអាទិត្យ (១១ ខែមិថុនា​) បេក្ខជន សម្រាប់​ការបោះឆ្នោត​ប្រធានាធិបតី​ឆ្នាំ ២០២៤ នឹងត្រូវ​ប្រកាស​នៅ​ថ្ងៃទី ៦ ខែកញ្ញា បន្ទាប់ពី​ការបោះឆ្នោត​ជ្រើសរើស​អ្នកឈ្នះ​សម្រាប់​តំណែង​នេះ​។​

​ក្រុមមន្ត្រី​នៃ​គណបក្ស Morena បាន​និយាយ​បន្ទាប់ពី​កិច្ចប្រជុំ​ថ្នាក់ដឹកនាំ​គណបក្ស​ឆ្វេងនិយម​នៅ​ទីក្រុង​ម៉ិ​ក​ស៊ិ​កូ​ស៊ី​ធី​ដែល​មានបំណង​ដាកចេញ​គោលការណ៍​នានា​សម្រាប់​ការប្រកួតប្រជែង​ផ្ទៃក្នុង​ថា ការស្ទង់មតិ​ចំនួន ៥ នឹងត្រូវ​ធ្វើឡើង ។ ការសម្រេច​នេះ​ធ្វើឡើង​បន្ទាប់ពី​មានការ​គាបសង្កត់​ជាច្រើន​ខែ​ពី​រដ្ឋមន្ត្រីការបរទេស​លោក Marcelo Ebrard ដើម្បី​ផ្ដល់​សង្ឃឹម​ឲ្យ​គណបក្ស MORENA ដែល​កំពុង​ឈរឈ្មោះ​សម្រាប់​ការតែងតាំង​នេះ ដោយ​លើក​ហេតុផល​ថា​វា​ជា​មធ្យោបាយ​តែមួយគត់​ដើម្បី​ធានាបាន​នូវ​សុ​ក្រិត​ភាព​នៅក្នុង​ការប្រកួត​នេះ​។​

​ការស្ទង់មតិ​នឹងធ្វើ​ឡើង​នៅ​ចន្លោះ​ថ្ងៃទី ២៨ ខែសីហា ដល់​ថ្ងៃទី ៣ ខែកញ្ញា​។ គណបក្ស​ក៏បាន​ស្នើថា អ្នក​ដែល​ទទួលបាន​ជ័យជម្នះ ត្រូវ​អញ្ជើញ​បេក្ខជន​ឈរ​លេខ​រៀង​ទី ២ និង​ទី ៣ ឱ្យ​ចូលរួម​ក្នុង​យុទ្ធនាការ​បោះឆ្នោត​របស់​ខ្លួន ហើយ​ផ្តល់​ឱ្យនូវ​ការងារ​ក្នុង​តំណែង​របស់​ពួកគេ ដោយ​សន្មត​ថា​គណបក្ស MORENA ទទួល​ជ័យជម្នះ​។​

​លោក​ប្រធានាធិបតី Lopez Obrador មិនអាច​ឈរឈ្មោះ​បោះឆ្នោត​ម្តងទៀត​បានទេ ដោយសារ​ច្បាប់​របស់​ប្រទេស​ម៉ិ​ក​ស៊ិ​ក​ដាក់​កំហិត​ប្រធានាធិបតី​ឱ្យ​កាន់តំណែង​តែមួយ​អាណត្តិ​ដែលមាន​រយៈពេល​ប្រាំ​មួយឆ្នាំ​ប៉ុណ្ណោះ​៕​