រុស្ស៊ី ៖ កាលពីថ្ងៃចន្ទម្សិលមិញ ប្រធានាធិបតីរុស្ស៊ីលោក Vladimir Putinបានធ្វើដំណើរ​ទៅកាន់មន្ទីរពេទ្យ​យោធាកណ្តាលរុស្ស៊ី ស្ថិតនៅជិតទីក្រុងម៉ូស្គូ ។ 

នៅទីនោះ លោកបានប្រគល់រង្វាន់កិត្តិយសដល់ទាហានដែលបានរងរបួសនៅក្នុងសង្រ្គាមអ៊ុយក្រែន ។ 

សមាជិកម្នាក់ក្នុងចំណោមសមាជិកយោធា ទទួលបានរង្វាន់ “Hero of Russia” ហើយសមាជិកដទៃទៀត ទទួលបានរង្វាន់ “Orders of Courage”។ 

អំឡុងពេលសួរសុខទុក្ខនោះ លោក Putin បានសួរពួកគេពីហេតុផលដែលនាំឲ្យរងរបួស និងពេលដែលពួកគេរងរបួស ហើយនិបានសាកសួរពីក្រុមគ្រួសាររបស់ពួកគេផងដែរ ។ 

ដំណើររបស់លោក ត្រូវបានធ្វើឡើងចំថ្ងៃទិវាជាតិរុស្ស៊ី គឺជាថ្ងៃដែលសភារុស្ស៊ី បានប្រកាសជាផ្លូវការ​អធិបតេយ្យ​ភាពពីសហភាពសូវៀតកាលពីឆ្នាំ ១៩៩១ ។ សហភាពសូវៀត ត្រូវបានរំលាយចោលនៅខែធ្នូ ក្នុងឆ្នាំនោះ ហើយថ្ងៃឈប់សម្រាក ថ្ងៃទី ១២ ខែមិថុនា ត្រូវបានបង្កើតឡើងនៅក្នុងឆ្នាំ ១៩៩២ ៕