នាយករដ្ឋមន្ត្រីជប៉ុន លោក Fumio Kishida គ្រោងនឹងដាក់បង្ហាញ នៅថ្ងៃអង្គារ (ទី១៣ ខែមិថុនា) នេះ នូវកញ្ចប់វិធានការ ដែលមានគោលបំណងកែប្រែអត្រាកំណើតដែលធ្លាក់ចុះ ដោយបង្កើនការឧបត្ថម្ភប្រាក់ដល់គ្រួសារ ដែលមានកូន។
ការប្រកាសអំពីគោលនយោបាយលេចធ្លោរបស់លោកនេះ ធ្វើឡើងចំពេលមានការរំពឹងទុកបែបទីផ្សារដែលថា លោក Kishida នឹងរំលាយសភានៅសប្តាហ៍នេះ ហើយអំពាវនាវឲ្យមានការបោះឆ្នោត មុនអាណត្តិ ជាវិធានការមួយដែលអាចបង្កើនការអំពាវនាវពីក្នុងរង្វង់បក្សកាន់អំណាចរបស់លោក សម្រាប់ការចំណាយដ៏ធំនេះ។
កញ្ចប់វិធានការដែលលោក Kishida អាចនឹងពន្យល់ នៅក្នុងសន្និសីទសារព័ត៌មាន ប្រហែលអាចជួយគណបក្សរបស់លោកទាក់ទាញសាធារណជនជាមួយនឹងការសន្យានៃការឧបត្ថម្ភប្រាក់នេះ។ លោកKishida ដែលបានឡើងកាន់អំណាចក្នុងខែតុលា ឆ្នាំ២០២១ បាននិយាយថា រូបលោកសង្ឃឹមថា នៅដើមទសវត្សរ៍ឆ្នាំ២០៣០ នឹងមានការចំណាយកើនឡើងទ្វេដងលើការថែទាំកុមារ ដែលបច្ចុប្បន្នចំណាយប្រហែល ៤,៧ពាន់ពាន់លានយ៉េន (៣៣,៧ពាន់លានដុល្លារ)។
នៅក្រោមផែនការនេះ រដ្ឋាភិបាលអាចនឹងបម្រុងទុកនូវទឹកប្រាក់ប្រចាំឆ្នាំប្រហែល ៣,៥សែនកោដិយ៉េន សម្រាប់រយៈពេលបីឆ្នាំខាងមុខ ដើម្បីផ្ដល់ប្រាក់ឧបត្ថម្ភថែទាំកុមារ និងការគាំទ្រដល់អ្នក ដែលឈប់សម្រាកថែទាំកុមារ។ តែយ៉ាងណាក្ដី អ្នកវិភាគមានមន្ទិលថា តើកញ្ចប់វិធាននេះនឹងមានផលប្រសើរច្រើន ក្នុងការទប់ស្កាត់ការធ្លាក់ចុះយ៉ាងទៀងទាត់នៃអាត្រាកំណើត និងចំនួនប្រជាជនដែលមានវ័យចំណាស់យ៉ាងឆាប់រហ័សរបស់ប្រទេសជប៉ុនបាន ឬអត់។
ទិន្នន័យរបស់រដ្ឋាភិបាល បានបង្ហាញថា អត្រាកំណើតរបស់ប្រទេសជប៉ុនបានធ្លាក់ចុះជាលំដាប់ បើទោះបីជាមានការផ្តួចផ្តើមពីរដ្ឋាភិបាលជាបន្តបន្ទាប់ ដើម្បីផ្លាស់ប្តូរនិន្នាការនេះក៏ដោយ ដោយបានធ្លាក់ដល់កម្រិតទាបបំផុត ១,២៦ កាលពីឆ្នាំមុន ពីកម្រិត ១,៥៧ ក្នុងឆ្នាំ១៩៩០៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
