កាលពីថ្ងៃចន្ទ ក្រុមអ្នកនេសាទកូរ៉េខាងត្បូងជាង ៣.០០០ នាក់បានប្រមូលផ្តុំគ្នានៅជិតអគាររដ្ឋសភាក្នុងទីក្រុងសេអ៊ូល ដើម្បីតវ៉ាប្រឆាំងនឹងគម្រោងការរបស់ប្រទេសជប៉ុន ក្នុងការការបញ្ចេញទឹកសំណល់វិទ្យុសកម្មចេញពីរោងចក្រថាមពលនុយក្លេអ៊ែរហ្វូគូស៊ីម៉ា ដែលបានខូចខាត ចូលទៅក្នុងមហាសមុទ្រប៉ាស៊ីហ្វិក។
សមាគមអ្នកនេសាទ បាននិយាយនៅក្នុងសេចក្តីថ្លែងការណ៍មួយថា រដ្ឋាភិបាលជប៉ុនគួរតែមានដំណោះស្រាយ រួមមានការផ្ទុកទឹកសំណល់រយៈពេលវែងនៅលើដី ជាជាងបង្ហូរទឹកវិទ្យុសកម្មដែលនឹងបំផ្លាញជីវិតទាំងអស់នៅក្នុងមហាសមុទ្រប៉ាស៊ីហ្វិក ដែលអ្នកនេសាទទាំងអស់ដែលរស់នៅពឹងផ្អែកលើការនេសាទក្នុងសមុទ្រនោះ។
អ្នកនេសាទ និងក្រុមសកម្មជនបរិស្ថានបានអំពាវនាវឱ្យរដ្ឋាភិបាលជប៉ុនរក្សាទុកទឹកកខ្វក់នៅក្រោមដីបន្តទៀត ឬធ្វើឱ្យទឹកសំណល់នោះរឹងដូចបេតុង។ អ្នកខ្លះសម្ដែងការមិនពេញចិត្តចំពោះគម្រោងបង្ហូរទឹកសំណល់ចូលក្នុងសមុទ្រនេះ។
សកម្មភាពប្រមូលផ្ដុំបន្ទាប់ និងជាលើកទីបី ត្រូវបានគេរំពឹងថានឹងធ្វើឡើងនៅមុខសាលាក្រុងសេអ៊ូលក្នុងរយៈពេលតិចជាងពីរសប្តាហ៍ ខណៈដែលការបង្ហូរទឹកដែលបានគ្រោងទុក នឹងជះឥទ្ធិពលដ៏ធ្ងន់ធ្ងរសម្រាប់អនាគតនៃការចិញ្ចឹមជីវិតរបស់ពួកគេ៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
