ក្រុមកសិករនៅរដ្ឋភាគខាងជើង Haryana ប្រទេសឥណ្ឌា បាននាំគ្នាបិទផ្លូវហាយវ៉េ ដើម្បីទាមទារដំឡើងតម្លៃទីផ្សារសម្រាប់ដំណាំផ្កាឈូករ័ត្ន និងបង្កើតច្បាប់ផ្តល់តម្លៃគាំទ្រអតិបរមាជួយដោយរដ្ឋាភិបាល ។

ក្រុមកសិកររាប់ពាន់នាក់ បានជួបជុំគ្នានៅស្រុក Kurukshetra និងបានបិតផ្លូវហាយវ៉េសំខាន់ តភ្ជាប់រវាងរដ្ឋធានីញូវដែល្លី របស់ប្រទេសឥណ្ឌា និងរដ្ឋភាគខាងជើង Himachal Pradesh ស្របពេលដែលពួកគេទាមទារឲ្យរដ្ឋាភិបាលទិញផលិតផលក្នុងតម្លៃកំណត់ដោយរដ្ឋាភិបាល សហព័ន្ធ ដែលមានតម្លៃប្រហែល ៧៧ដុល្លារ ក្នុង១០០គ.ក ។

ក្រុមកសិករ បានទាមទារឲ្យរដ្ឋាភិបាលធានាតម្លៃគាំទ្រអតិបរមាសម្រាប់​ផលិតផល ទាំងអស់របស់ពួកគេ ​និងដោះបំណុលរបស់ពួកគេទាំងអស់ ។

គួរឲ្យដឹងថា កាលពីឆ្នាំមុន រដ្ឋាភិបាលសហព័ន្ធ​ បានយល់ព្រមបង្កើតគណៈកម្មការក្រុមអ្នកដំាដុះ ហើយក្រុមមន្រ្តីរដ្ឋាភិបាល ​នឹងស្វែងវិធីសាស្រ្តធានាតម្លៃគាំទ្រអតិបរមា សម្រាប់ផលិតផលកសិកម្មទាំងអស់ ៕