ប្រធានាធិបតីបេឡារុសលោក Alexander Lukashenko បានបដិសេធនូវពាក្យចចាមអារ៉ាម ដែលថា លោកកំពុងមានសុខភាពមិនល្អ កាលពីថ្ងៃអង្គារ (ទី១៣ ខែមិថុនា) ប៉ុន្តែបានទទួលស្គាល់ថា វាត្រូវការពេលវេលាយូរ ដើម្បីជាសះស្បើយពីជំងឺឆ្លងវីរុសផ្លូវដង្ហើម ដែលជាវីរុសផ្តាសាយធម្មតា។
លោកបានចង្អុលបង្ហាញថា លោកបានបញ្ចេញសកម្មភាពនានាជាប្រចាំ ពេលដែលលោកកំពុងឈឺ ដូចជារត់ហាត់ប្រាណ លោត និងសូម្បីតែលេងកីឡាហុកគី ប៉ុន្តែបាននិយាយថាក្រោយមករូបលោកបានដឹងថារូបលោកគួរតែធ្វើតិចជាងនេះដើម្បីពន្លឿនការជាសះស្បើយរបស់គាត់។
លោក Lukashenko វ័យ ៦៨ឆ្នាំ គឺជាមនុស្សម្នាក់ក្នុងចំណោមសម្ព័ន្ធមិត្តជិតស្និទ្ធបំផុតរបស់ប្រធានាធិបតីរុស្ស៊ីលោក Vladimir Putin។ ពាក្យចចាមអារ៉ាមពីស្ថានភាពសុខភាពរបស់លោក បានលេចលឺយ៉ាងឆាប់រហ័ស ចាប់តាំងពីលោកបានបង្ហាញវត្តមាននៅក្នុងក្បួនព្យុហយាត្រាយោធា នៅទីក្រុងម៉ូស្គូកាលពីថ្ងៃទី៩ ខែឧសភា នៅពេលដែលគេមើលទៅលោកហាក់ដូចជាអស់កម្លាំង និងមិនសូវជាមាំទាំ។
ក្រោយមកមេដឹកនាំបេឡារុសរូបនេះ ក៏បានលេចមុខនៅក្នុងវីដេអូដែលផ្សព្វផ្សាយដោយប្រព័ន្ធផ្សព្វផ្សាយរដ្ឋមួយ ដោយមើលទៅមានសភាពស្លេកស្លាំង និងនិយាយមិនសូវមានកម្លាំង ប៉ុន្តែក្រោយមកបានច្រានចោលការនិយាយដែលថាលោកឈឺធ្ងន់ ដោយប្រាប់មន្ត្រីថា៖ «ខ្ញុំនឹងមិនស្លាប់ទេ »៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
