យុទ្ធនាការបោះឆ្នោតដណ្ដើមតំណែងសេតវិមាននៅឆ្នាំ២០២៤របស់អតីតប្រធានាធិបតីលោក Donald Trump បាននិយាយកាលពីថ្ងៃពុធថា លោកបានរៃអង្គាសបានប្រាក់ចំនួន៧លានដុល្លារអាមេរិក ចាប់តាំងពីលោកត្រូវបានរងការចោទប្រកាន់បទព្រហ្មទណ្ឌនៅតុលាការសហព័ន្ធកាលពីសប្ដាហ៍​មុន ស្របពេលសារបង្ហាញពីការធ្វើទុក្ខបុកម្នេញខាងនយោបាយរបស់លោក បន្តប៉ះពាល់ដល់ក្រុមអ្នកគាំទ្រដ៏ស្មោះស្ម័គ្រ។

យុទ្ធនាការរបស់លោក Trump ដែលបានសរសេរក្នុងសាអេឡិចត្រូនិក ទៅកាន់ក្រុមអ្នកគាំទ្រ កាលពីថ្ងៃពុធ ដោយសំដៅលើរដ្ឋអាជ្ញាពិសេសអាមេរិក ដែលកំពុងស៊ើបអង្កេតលើរូបលោក ថាលោកប្រធានាធិបតី រៃអង្គាសបានប្រាក់ជាង៦,៦លានដុល្លារ និងកំពុងកើនឡើងចាប់តាំង​ពីលោក Jack Smith បានប្រកាសការកាត់ទោសនយោបាយ លើរូបលោក Trump មក។

ទឹកប្រាក់ជាង៤,៥លានដុល្លារ បានមកពីការរៃអង្គាសមូលនិធីឌីជីថល ខណៈ២,១លានដុល្លារទៀត បានមកពីព្រឹត្តិការណ៍បរិច្ចាគកាលពីថ្ងៃអង្គារនៅក្លឹប Bedminster របស់លោកTrumpក្នុងរដ្ឋ New Jersey។

ក្រោយមក អ្នកនាំពាក្យរបស់លោក Trump ដែលជាបេក្ខជននាំមុខសម្រាប់ការតែងតាំងជាបេក្ខភាពប្រធានាធិបតីរបស់គណបក្សសាធារណរដ្ឋនៅឆ្នាំ២០២៤ បានសរសេរក្នុងសារអេឡិចត្រនិក ផ្ញើទៅកាន់សារព័ត៌មាន Reuters ដោយបញ្ជាក់ថា ប្រាក់បានមកពីការរៃអង្គាសមូលនិធិ បានជាង៧លានដុល្លារអាមេរិក ចាប់តាំងពីការចោទប្រកាន់ពាក់ព័ន្ធការគ្រប់គ្រងឯកសារសន្តិសុខជាតិ ត្រូវបានប្រកាសនៅថ្ងៃព្រហស្បតិ៍សប្ដាហ៍នេះ ៕