យោងតាមការបង្ហាញពីទិន្នន័យ កាលពីថ្ងៃព្រហស្បតិ៍ បានឲ្យដឹងថា ប្រទេសនូវ៉ែលហ្សេឡង់ បានធ្លាក់ចូលទៅក្នុងឱនភាព ដោយសារសេដ្ឋកិច្ច បានធ្លាក់ចុះនៅត្រីមាសទីមួយ ដោយបានកាត់បន្ថយហានិភ័យ ដែលធនាគារកណ្តាល នឹងត្រូវដំឡើងអត្រាការប្រាក់បន្ថែមទៀត ប៉ុន្តែបង្កើតបាននូវឧបសគ្គដ៏ធំថ្មី ចំពោះក្តីសង្ឃឹមពីការបោះឆ្នោតឡើងវិញរបស់រដ្ឋាភិបាល។

ផលិតផលសរុបក្នុងស្រុក (GDP) ស៊ីគ្នានឹងការរំពឹងទុករបស់អ្នកវិភាគពីការធ្លាក់ចុះ ០,១ភាគរយ នៅក្នុងត្រីមាសខែមីនា ប៉ុន្តែទាបជាងឆ្ងាយពីការព្យាករណ៍របស់ធនាគារកណ្តាលនូវ៉ែលហ្សេឡង់ (RBNZ) ដែលថានឹងមានកំណើន ០,៣ភាគរយ។ លើសពីនេះទៀត GDP ត្រីមាសទីបួន ត្រូវបានកែតួលេខនៃការធ្លាក់ចុះទៅចំនួន ០,៧ភាគរយ ពីចំនួន ០,៦ភាគរយ។

ប្រាក់ដុល្លារនូវ៉ែលហ្សេឡង់ បានធ្លាក់ថ្លៃ ០,២ភាគរយ ដោយ ១ដុល្លារនូវ៉ែលហ្សេឡង់ ស្មើនឹង ០,៦១៩៧ដុល្លារអាមេរិក បន្ទាប់ពីមានទិន្នន័យនេះ ខណៈដែលស្របទៅតាមការរំពឹងទុករបស់ទីផ្សារ និងបានធ្វើឲ្យអាក់ខានដល់កិច្ចការរបស់ធនាគារកណ្តាល ដែលថាមិនចាំបាច់ត្រូវការការដំឡើងអត្រាការប្រាក់បន្ថែមទៀតនោះទេ។

យោងតាមទិន្នន័យស្ថិតិនូវ៉ែលហ្សេឡង់ បានឲ្យដឹងថា ភាពខ្សោយរបស់សេដ្ឋកិច្ច បានពឹងផ្នែកខ្លាំងលើទិន្នផលពាក់កណ្តាល បានពីឧស្សាហកម្មរបស់ប្រទេសនេះ ដែលកំពុងមានការធ្លាក់ចុះ។ កំណើនរបស់សេដ្ឋកិច្ចត្រូវបានប៉ះពាល់ដោយសារឥទ្ធិពលនៃព្យុះស៊ីក្លូនធំចំនួនពីរ និងជំនន់ទឹកភ្លៀង នៅទីក្រុង Auckland កាលពីខែមករា និងកុម្ភៈ៕