ភ្នំពេញ៖ ក្រុមអ្នកសារព័ត៌មានកម្ពុជា មកពីស្ថាប័នផ្សេងៗគ្នាត្រូវបានអញ្ញេីញចូលរួមកម្មវិធី «អ្នកសារព័ត៌មានកម្ពុជា មើលខេត្តក្វាងស៊ី» ប្រទេសចិន រយៈពេល៦ថ្ងៃ ចាប់ពីថ្ងៃទី១៥ ដល់ថ្ងៃទី២០ មិថុនា ឆ្នាំ២០២៣។ 

កម្មវិធីនេះ រៀបចំឡើងដោយ កាសែត The Commercial News និង Cambodia Guangxi Cloud ASEAN International Communication Station ដែលជាអង្គភាពចំណុះ Guangxi Daily ។

សូមជម្រាបជូនថា ក្នុងអំឡុងកម្មវិធីខាងលេីនេះ អ្នកសារព័ត៌មាន នឹងទៅទស្សនកិច្ច ទីក្រុងសំខាន់របស់ខេត្ត ក្វាងស៊ី ដូចជាទីក្រុង Nanning ទីក្រុង Qinzhou ទីក្រុងv Liuzhou ទីក្រុង Guilin និង កន្លែងផ្សេង ទៀតជាបន្តបន្ទាប់ ដើម្បីចុះផ្សាយស្តីពីការតភ្ជាប់សកម្មភាពរបស់ ក្វាងស៊ី ជាមួយប្រទេសអាស៊ាន និងការសងសង់គម្រោងច្រករបៀងទាំង ផ្លូវ គោក និង ផ្លូវទឹកថ្មីធំៗ នៅភាគខាងលិច។ ទន្ទឹមនឹងនេះ អ្នកសារព័ត៌មានកម្ពុជា នឹងមានឱកាស​ទទួលបាន​បទពិសោធន៍បេតិកភណ្ឌវប្បធម៌អរូបីយ៍ស្រដៀងនឹងប្រទេសកម្ពុជា និងធ្វើបទសម្ភាសន៍ទីតាំង​គំរូអភិវឌ្ឍន៍​ឧស្សាហកម្មជាដើម៕ ដោយ ៖ បូរ៉ាវី