ជនជាតិជប៉ុនជាច្រើននាក់ រួមទាំងក្រុមសមាជិកសភា បានប្រមូលផ្តុំគ្នានៅជិតវិមានរដ្ឋសភាជាតិ ក្នុងទីក្រុងតូក្យូកាលពីថ្ងៃអង្គារ ដើម្បីធ្វើបាតុកម្មប្រឆាំងនឹងការពង្រីកវត្តមានយោធារបស់ប្រទេសជប៉ុន និងផែនការរបស់អង្គការណាតូក្នុងការបើកការិយាល័យទំនាក់ទំនងនៅក្នុងប្រទេសនេះ។
ក្រុមអ្នកតវ៉ាបានប្រឆាំងយ៉ាងដាច់ខាតចំពោះប្រទេសជប៉ុនក្នុងការធ្វើតាមជំហានរបស់សហរដ្ឋអាមេរិក និងការជ្រៀតជ្រែករបស់អង្គការណាតូក្នុងកិច្ចការអាស៊ី ដែលជាគ្រោះថ្នាក់ដ៏ធ្ងន់ធ្ងរ។
លោក Inoue Satoshi សមាជិកក្រុមប្រឹក្សាសភាបាននិយាយថា អ្វីដែលហៅថា "សមត្ថភាពវាយប្រហារមូលដ្ឋានសត្រូវ" នេះ គឺនឹងធ្វើឱ្យប្រទេសជប៉ុនប្រែក្លាយជាសមរភូមិ។ ការពង្រឹងមូលដ្ឋានយោធានេះគឺជាការបង្កើតសង្គ្រាមតែប៉ុណ្ណោះ។ ពួកយើងត្រូវតែបញ្ឃប់សកម្មភាពបែបនេះ។
អង្គការណាតូបានប្រកាសពីផែនការរបស់ខ្លួនក្នុងការបើកការិយាល័យទំនាក់ទំនងនៅទីក្រុងតូក្យូប្រទេសជប៉ុនក្នុងឆ្នាំ ២០២៤។ ទោះបីជាការិយាល័យនេះនឹងមិនបង្វែរប្រទេសជប៉ុនដោយផ្ទាល់ឲ្យក្លាយទៅជាសមាជិកណាតូក៏ដោយ ក៏វានឹងសម្របសម្រួលកិច្ចសហប្រតិបត្តិការរបស់អង្គការណាតូជាមួយបណ្តាប្រទេសដៃគូនៅក្នុងតំបន់ឥណ្ឌូ-ប៉ាស៊ីហ្វិក។
ការប្រកាសនេះត្រូវបានធ្វើឡើងដោយសារព័ត៌មានជប៉ុន Nikkei កាលពីថ្ងៃអង្គារ។ អង្គការណាតូពិតជាបានពិភាក្សាអំពីការបើកការិយាល័យទំនាក់ទំនងនេះតាំងពីខែឧសភា ឆ្នាំ ២០២៣ ពិតមែន៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
