​នៅ​ថ្ងៃ​ព្រហស្បតិ៍ (១៥ មិថុនា​)​នេះ នគរបាល​ឥណ្ឌា​បាន​ចោទប្រកាន់​ពីបទ​បៀតបៀន​ផ្លូវភេទ និង​ការបំភិតបំភ័យ​ឧក្រិដ្ឋកម្ម ប្រឆាំងនឹង​ប្រធាន​សហព័ន្ធ​កីឡា​ចំបាប់​របស់​ប្រទេស នេះ ដែលជា​សមាជិក​ដ៏​មាន​ឥទ្ធិពល​នៃ​គណបក្ស Bharatiya Janata Party (BJP) ដែល​កំពុង​កាន់អំណាច បន្ទាប់ពី​មាន​បណ្តឹង​ពី​ក្រុម​កីឡាការិនី​ចំបាប់​។​

​ប្រភព​នគរបាល​មួយ​បាន​និយាយថា កាលពី​សប្តាហ៍​មុន​មនុស្ស​ជាង ១៥៥ នាក់​ត្រូវបាន​សាកសួរ​នៅក្នុង​ការស៊ើបអង្កេត​ប្រឆាំងនឹង​លោក Brij Bhushan Sharan Singh ដែលជា​សមាជិកសភា​មកពី​គណបក្ស​របស់​លោកនាយ​ក​រដ្ឋមន្ត្រី Narendra Modi ។ ការស៊ើបអង្កេត​នោះបាន​ធ្វើតាម​ពាក្យបណ្តឹង​ជាច្រើន​ខែ​មក​ហើយដោយ​ក្រុម​កីឡាករ​ចំបាប់​កំពូល​របស់​ប្រទេស រួមទាំង​ម្ចាស់​មេដាយ​អូឡាំពិក និង​កីឡា​អាស៊ី​មួយចំនួន​ផងដែរ​។​

​ក្រុម​កីឡាករ​ចំបាប់​បានចាប់ផ្តើម​ការ​អង្គុយ​តវ៉ា​ប្រឆាំងនឹង​កង្វះ​ចំណាត់ការ​របស់​រដ្ឋាភិបាល​កាលពី​ខែមេសា ហើយ​ត្រូវបាន​ចាប់ខ្លួន​ដោយ​នគរបាល​ក្នុង​ទីក្រុង New Delhi ខណៈដែល​ពួកគេ​បានធ្វើការ​សម្អាត​ទីតាំង​នៅ​ខែ​បន្ទាប់​។​

​ស្របពេល​មានការ​ខឹងសម្បារ​កាន់​តែ​ខ្លាំង ក្រុម​កីឡាករ​ចំបាប់​បាន​ផ្អាក​ការតវ៉ា​របស់​ពួកគេ បន្ទាប់ពី​រដ្ឋមន្ត្រីក្រសួង​កីឡា​លោក Anurag Thakur បាន​សន្យាថា​នឹង​កំណត់​ថ្ងៃទី ១៥ ខែមិថុនា ដើម្បី​បញ្ចប់​ការស៊ើបអង្កេត​លើ​លោក Singh៕​