ព្យុះ​ទឹកកក​ដ៏​កម្រ និង​កើតមាន​ភ្លាមៗ បាន​បោកបក់​ទៅលើ​ទីក្រុង​ស្ថិតនៅ​រដ្ឋ​ភាគ​កណ្តាល Arkansas សហរដ្ឋអាមេរិក​កាលពី​ថ្ងៃ​ពុធ ក្នុងនោះ​ប្រជាពលរដ្ឋ​ជាច្រើន បាន​រាយការណ៍​ពី​ការខូចខាត​ផ្ទះសម្បែង និង​រថយន្ត​របស់​ពួកគេ។

វីដេអូ​សាក្ស​ថត​បាន​ព្យុះ​ទឹកកក ពេលដែល​ដុំ​ទឹកកក​ធ្លាក់​ដូច​គ្រាប់​ទឹកភ្លៀង​នៅ​សួន​មុខ​បន្ទប់​របស់​អ្នកស្រី Calvin Cross ដែលជា​ពលរដ្ឋ​រស់នៅ​ក្នុង​រដ្ឋ Arkansas ។ ទោះបីជា​យ៉ាងណាក៏ដោយ ព្យុះ​ទឹកកក​គ្រាន់តែ​ជា​ផ្នែក​មួយ​នៃ​ស្ថានភាព​អាកាសធាតុ​អាក្រក់​ប៉ុណ្ណោះ ដែល​បាន​កើតមាន​នៅតាម​តំបន់​ជាច្រើន​ក្នុង​រដ្ឋ Arkansas កាលពី​ព្រឹក​ថ្ងៃ​ពុធ ។ ពុំមាន​សេចក្តីរាយការណ៍​ណាមួយ​ពី​អ្នករងរបួស​នោះទេ ប៉ុន្តែ​ក្រុម​អាជ្ញាធរ និយាយថា មាននូវ​ការខូចខាត​ដើមឈើ​ទ្រង់ទ្រាយ​ធំ និង​ការ​ដាច់​ចរន្តអគ្គិសនី​ផងដែរ ៕​