កំពង់ស្ពឺ​៖ សម្តេច​តេ​ជោ ហ៊ុន សែន នាយករដ្ឋមន្ត្រី បាន​រំលឹក​ជាថ្មី​ទៀតថា បើ​កម្ពុ​ជាមាន​សង្គ្រាម គ្មាន​បរទេស​ណា​មក​ធ្វើការ​វិនិយោគ​ជាមួយ​ក​ម្ពុ​ជា​នោះទេ ដូច្នេះហើយ​ សូម​បងប្អូន​កម្មករនិយោជិត ក៏ដូចជា​ជនរួមជាតិ​ទាំងអស់ ត្រូវ​ថែរក្សា​នូវ​សុខសន្តិភាព​នេះ​ឲ្យ​ខាងតែបាន ខណៈ​មាន​សន្តិភាព​គឺមាន​ការអភិវឌ្ឍ គ្រប់បែបយ៉ាង ជាក់ស្តែង​ដូច​សព្វថ្ងៃនេះ​រោងចក្រ​សហគ្រាស​បាន​កំពុង​រីក​ច​ម្រើ​ជា​បន្តបន្ទាប់​។​ សម្តេច​តេ​ជោ ហ៊ុន សែន បាន​លើកឡើងថា កត្តា​សុខសន្តិភាព និង​ស្ថិរភាព​នយោបាយ ផ្តល់ឱកាស​ឱ្យ​កម្ពុជា​យើង​ទាក់ទាញ​វិនិយោគ​ពី​បរទេស ដើម្បី​មក​ផលិត​នៅក្នុង​ស្រុក​បម្រើការ​នាំចេញ​ទៅ​ក្រៅប្រទេស ដូច្នេះ​ បងប្អូន​ទាំងអស់​ត្រូវ​រក្សា​សន្តិភាព​នេះ​ឲ្យ​បាន​មិន​ថា​កាលៈទេសៈ​ណា​ទេ​។​

​ការបន្ត​អំពាវនាវ​របស់​សម្តេច​តេ​ជោ ហ៊ុន សែន ប្រមុខ​រាជរដ្ឋាភិបាល​នាពេលនេះ ធ្វើឡើង ក្នុងឱកាស​បន្ត​អញ្ជើញ​ចុះ​ជួប​សំណេះសំណាល​ជាមួយ​កម្មករនិយោជិត​សរុប ១៨.០១២​នាក់ មកពី​រោងចក្រ​សហគ្រាស​ចំនួន​៧ ដែល​កំពុងដំណើរការ​អាជីវកម្ម​ក្នុងស្រុក​សំរោង​ទង និង​ស្រុក​គងពិសី ខេត្ត​កំពង់ ស្ពឺ នៅ​ព្រឹក​ថ្ងៃទី​១៧ ខែមិថុនា ឆ្នាំ​២០២៣​នេះ​៕​ អត្ថបទ​៖ បាន ចក់