រដ្ឋមន្រ្តីការបរទេសកោះតៃវ៉ាន់លោក Joseph Wu បាននិយាយ​អំឡុង​ដំណើរ​ទស្សនកិច្ច​ទៅ​កាន់​អឺរ៉ុប​កាល​ពីសប្តាហ៍មុនថា បណ្តាប្រទេសនៅអឺរ៉ុប គួរតែពង្រឹងទំនាក់ទំនងជាមួយកោះតៃវ៉ាន់ បើ​សិន​ជាពួកគេចង់បន្តការវិនិយោគរបស់កោះតៃវ៉ាន់លើផលិតផលពាក់កណ្តាលចម្លង ឬបន្ទះ Chip ។ 

គួរឲ្យដឹងថា ការវិនិយោគនៅក្រៅប្រទេសដោយក្រុមហ៊ុនកោះតៃវ៉ាន់ TSMC​ ដែល​ជា​ក្រុម​ហ៊ុន​ផលិត​បន្ទះ Chipជាប់កិច្ចសន្យាធំបំផុតរបស់ពិភពលោក ត្រូវការការយល់ព្រមពីរដ្ឋាភិបាល ដែល​រួម​ទាំង​ សម្រាប់រោងចក្រដ៏មានសក្តានុពលនៅក្នុងប្រទេសអាល្លឺម៉ង់ផងដែរ ។ 

លោក Wu និយាយថា រដ្ឋាភិបាលកោះតៃវ៉ាន់ ពុំបាន​ដាក់​លក្ខ​ខណ្ឌ​លើ​ការ​វិនិយោគ​ដោយ​ក្រុម​ហ៊ុន TSMCនោះទេ ហើយវាគឺជាក្រុមហ៊ុនខ្លួនឯងទេ ដែល​ត្រូវ​សម្រេច​ចិត្ត​ថា​ តើ​គម្រោង​របស់​ពួក​គេ​នឹង​រកបានប្រាក់ចំណេញ ឬយ៉ាងណា ។ 

លោក Wu បន្តថា កោះតៃវ៉ាន់នឹងមិនរារាំងការវិនិយោគនៅអឺរ៉ុបនោះទេ ប៉ុន្តែមាននូវ​បញ្ហា​ទស្សន​វិជ្ជា​ដែល​ប្រទេសមួយចង់បានការជួយពីកោះតៃវ៉ាន់ ត្រូវតែពិចារណា​លើ​ទំហំ នៃ​ទំនាក់​ទំនង​ធំ​ទូលាយ​ជាង​នេះ ជាមួយកោះតៃវ៉ាន់ ៕ អត្ថបទ៖ សារ៉ាត់