ក្រុមអាជ្ញាធរសុខាភិបាលនិយាយកាលពីថ្ងៃសៅរ៍ថា ប្រទេសហ្សំប៊ី បានរកឃើញករណីឆ្លងថ្មីជំងឺ COVID-19 ចំនួន ២០៨នាក់ ក្នុងរយៈពេល ២៤ម៉ោងចុងក្រោយ ស្របពេល​ដែល​ប្រទេស​នៅ​អាហ្វ្រិក​ខាង​ត្បូងមួយនេះ ចាប់ផ្តើមមើលឃើញ​ការ​ហក់​ឡើង​ខ្ពស់​ការ​រីករាល​ឆ្លង​វីរុស​ដ៏​កាច​សាហាវ​មួយនេះ ។ 

ករណីឆ្លងនេះ ត្រូវបានរកឃើញអំឡុងការធ្វើតេស្តមនុស្ស ២.២៣១នាក់ ពោល​គឺ​ស្មើ​នឹង​ការ​រក​ឃើញ​ករណីវិជ្ជមានប្រចាំថ្ងៃ ៩ភាគរយ ។ 

លោកស្រី Sylvia Masebo គឺជារដ្ឋមន្រ្តីក្រសួងសុខាភិបាលហ្សំប៊ី និយាយកាលពីថ្ងៃសុក្រថា ប្រទេស​របស់លោកស្រី បានមើលឃើញករណីឆ្លងថ្មីជំងឺ COVID-19 ហក់ឡើងខ្ពស់ ចាប់​តាំង​ពី​ថ្ងៃទី១៦ ខែឧសភារហូតមក ។ 

លោកស្រីបាននិយាយនៅក្នុងសេចក្តីថ្លែងការណ៍ថា នេះ​បង្ហាញ​យ៉ាង​ច្បាស់​ពី​ការ​កើត​មាន​ករណី​ឆ្លង​ជំងឺ COVID-19 ។ អត្រាធ្វើតេស្តវិជ្ជមានរបស់ពួកយើង ក្នុងរយៈពេល ២សប្តាហ៍កន្លងមកនេះ មា​នជាមធ្យម ៥ភាគរយ ដែលជាការបង្ហាញពីការកើនឡើងករណីឆ្លងកាន់តែច្រើនជាងមុន ។ "

លោកស្រីបានបញ្ជាក់ទៀតថា ប្រទេសរបស់លោកស្រី បានបាត់បង់មនុស្ស ២នាក់ ក្នុង​រយៈ​ពេល​​១​សប្តាហ៍​កន្លងមកនេះ ក្រោយពុំបានរកឃើញករណីស្លាប់ពាក់ព័ន្ធនឹងជំងឺ COVID-19 ក្នុងរយៈ​ពេល​ជាង ៧៤ថ្ងៃ ៕ អត្ថបទ៖ សារ៉ាត់