យោធាអ៊ូហ្គង់ដា និយាយកាលពីថ្ងៃសៅរ៍ថា ពួកគេកំពុងតាមរកចាប់ខ្លួនក្រុមឧទ្ទាមកងកម្លាំងសម្ព័ន្ធប្រជាធិបតេយ្យ(ADF)នៅតំបន់ភាគខាងលិចប្រទេស ជាប់ព្រំដែនជាមួយសាធារណរដ្ឋប្រជាធិបតេយ្យកុងហ្គោ ក្រោយការវាយប្រហារសម្លាប់សិស្សសាលា ៣៧នាក់ ។  

 លោក Felix Kulayigye គឺជាអ្នកនាំពាក្យយោធា បាននិយាយប្រាប់សារព័ត៌មានរដ្ឋចិនស៊ីនហួតាមទូរស័ព្ទថា កងកម្លាំងការពារប្រជាជនអ៊ុយហ្គង់ដា (UPDF) កំពុងតាមរកចាប់ខ្លួនក្រុមឧទ្ទាម ADFដែលអាចដកថយទៅកាន់ឧទ្យានជាតិ Virungaស្ថិតក្នុងប្រទេសកុងហ្គោ ។  

លោក Kulayigyeបានសន្យាថា ពួកយើងត្រូវតែរកពួកគេគ្រប់ទីកន្លែងដែលពួកគេទៅ ដើម្បីសង្រ្គោះសិស្សសាលាដែលពួកគេបានចាប់ជម្រិត  

អ្នកនាំពាក្យរូបនេះ បន្តថា នៅក្នុងចំណោមជនរងគ្រោះ សិស្សសាលា ១៧នាក់ត្រូវបានគេដុតសម្លាប់ និងសិស្សសាលា ៦នាក់ ត្រូវបានក្រុមឧទ្ទាមចាប់ជម្រិត ។  

 ដោយឡែក សិស្សសាលាយ៉ាងហោច ៨នាក់ ដែលត្រូវបានបញ្ជូនទៅកាន់មន្ទីពេទ្យ កំពុងស្ថិតនៅក្នុងស្ថានភាពធ្ងន់ធ្ងរ ។  

គួរឲ្យដឹងថា ក្រុមឧទ្ទាម ADFបានវាយប្រហារសាលាអនុវិទ្យាល័យ Lhubiriraកាលពីយប់ថ្ងៃសុក្រ ស្ថិតក្នុងទីក្រុង Mpondwe ដែលមានចម្ងាយប្រហែល ២គ.ម ពីព្រំដែនកុងហ្គោ ៕