ក្រុមបុរសស្រលាញ់ភេទដូចគ្នា ស្ត្រីស្រឡាញ់ភេទដូចគ្នា អ្នកមានសម្ព័ន្ធភេទទាំងពីរ អ្នកកែភេទ អ្នកស្រលាញ់ចម្រុះភេទ និងបុរសកែភេទ ព្រមទាំងក្រុមអ្នក​គាំទ្រ​របស់​ពួក​គេ​បាន​ដើរ​ដង្ហែ​នៅ​ក្នុង​ក្បួន​ដង្ហែឥ​ន្ទនូទីក្រុង Vienna ប្រទេសអូទ្រីស កាលពីថ្ងៃសៅរ៍ (១៧ មិថុនា) ហើយទាមទារ​សិទ្ធិ​ស្មើគ្នា​សម្រាប់​មនុស្សគ្រប់គ្នា។

ក្រុមអ្នកចូលរួមស្ថិតក្នុងសម្លៀកបំពាក់ចម្រុះពណ៌បានរាំលេងជាមួយតន្ត្រីប៉ុបនៅលើផ្លូវថ្មើរជើង និង​តាមដងផ្លូវនានា។

លោក Peter Hacker សមាជិ​ក​ក្រុម​ប្រឹក្សា​ក្រុង​នៃ​គណបក្ស​សង្គម​ប្រជាធិបតេយ្យ​បាន​និយាយ​ថា ក្បួនដង្ហែប្រចាំឆ្នាំនេះគឺជាផ្នែកមួយនៃ "សេរីភាព" ហើយថាវា​មាន​សារៈ​សំខាន់​ចំពោះ​ក្រុម​អាជ្ញាធរ​ក្នុង​រដ្ឋធានី នៃ​ប្រទេស​អូទ្រីស​ក្នុង​ការ​មិន​ជ្រៀតជ្រែក​លើ​សិទ្ធិ​របស់​ប្រជាជន​ដោយ​ប្រើ​សំណួរ​ថា​តើ​អ្នកណាស្រឡាញ់អ្នកណា ឬអ្នកណារស់នៅជាមួយអ្នកណានោះទេ ដោយ​មាន​ន័យ​សំដៅ​លើ​បុរសស្រឡាញ់បុរស និងស្រ្តីស្រឡាញ់ស្រ្តី៕ អត្ថបទ៖ ស្រីទាវ