កាលពីថ្ងៃអាទិត្យម្សិលមិញ ប្រធានាធិបតីអាហ្រ្វិកខាងត្បូងលោក Cyril Ramaphosa ជឿជាក់ថាបេសកកម្មសន្តិភាពរបស់គណៈប្រតិភូអាហ្វ្រិកទៅកាន់អ៊ុយក្រែន និងរុស្ស៊ី នឹងមានឥទ្ធិលពល បើទោះបីជាប្រធានាធិបតីរុស្ស៊ីលោក Vladimir Putinរិះគន់ផែនការដែលត្រូវបានច្រានចោលរួចទៅហើយដោយទីក្រុងគីវក៏ដោយ ។

លោក Ramaphosa ដែលបានបង្ហាញផែនការសន្តិភាព ១០ចំណុចដល់លោក Putinកាលពីថ្ងៃសៅរ៍ និយាយថា លទ្ធផលសំខាន់បំផុតចំនួន ២នៃកិច្ចពិភាក្សាដែលក្រុមមេដឹកនាំអាហ្វ្រិកបានស្តាប់ឮ គឺពួកគេបានផ្តល់ទស្សនៈអាហ្វ្រិកលើបញ្ហាសង្រ្គាម និងផលប៉ះពាល់អវិជ្ជមានរបស់វាលើអាហ្វ្រិក ហើយពួកគេគឺជាក្រុមតែមួយគត់ដែលបានចូលរួមជាមួយលោក Putin និងប្រធានាធិបតីអ៊ុយក្រែនលោក Volodymyr Zelenskiy ក្នុងរយៈពេលខ្លី ដើម្បីដាក់ចេញសំណើសន្តិភាពដ៏រឹង

លោកបន្តថា កិច្ចព្រមព្រៀងដែលពួកគេចង់ចូលរួមជាមួយក្រុមមេដឹកនាំអាហ្វ្រិក គឺជាសមិទ្ធផលធំសម្រាប់ពួកយើង ពីព្រោះថាបច្ចុប្បន្នអាហ្វ្រិកគឺត្រូវសម្រេចឲ្យបាន អាហ្វ្រិកត្រូវតែចូលរួមឲ្យបាន ។

គួរឲ្យដឹងថា ប្រធានាធិបតីអ៊ុយក្រែនលោក Volodymyr Zelensky និយាយក្រោយជំនួបជាមួយពួកគេនៅក្នុងទីក្រុងគីវកាលពីថ្ងៃសុក្រថា កិច្ចពិភាក្សាស្វែងរកសន្តិភាពត្រូវតែឲ្យទីក្រុងម៉ូស្គូដកកងកម្លាំងរបស់ពួកគេចេញពីតំបន់កាន់កាប់លើទឹកដីអ៊ុយក្រែន គឺជាអ្វីមួយដែលរុស្ស៊ីនិយាយថា វាមិនអាចចរចាបាននោះទេ

កាលពីថ្ងៃសៅរ៍កន្លងទៅ លោក Putinបានបើកកិច្ចប្រជុំជាមួយក្រុមអ្នកតំណាងមកពីប្រទេសសេណេហ្គាល់ អេហ្ស៊ីប ហ្សំប៊ី អ៊ុយហ្គង់ដា សាធារណរដ្ឋប្រជាធិបតេយ្យកុងហ្គោ ប្រជុំកោះកូម៉ូរ៉ុស និងអាហ្វ្រិកខាងត្បូង នៅក្នុងវិមានជិតទីក្រុង St. Petersburg ដោយលោកបានធ្វើការសង្កត់ធ្ងន់ពីការប្តេជ្ញាចិត្តរបស់រុស្ស៊ីចំពោះទ្វីបមួយនេះ ៕