ញូវដែល្លី៖ នៅថ្ងៃចន្ទនេះ រដ្ឋមន្រ្តីការពារជាតិវៀតណាមលោក Phan Van Giang( ផាន វ៉ាន់ ហ្សាង) បានជួបពិភាក្សាការងារជាមួយសមភាគីឥណ្ឌាលោក Rajnath Singh នៅក្នុងទី​ក្រុងញូវ​ដែល្លី ដើម្បីពង្រឹងទំនាក់ទំនងការពារជាតិ ។ 

លោក Phan Van Giang ដែលស្ថិតនៅក្នុងដំណើរទស្សនកិច្ចរយៈពេល ២ថ្ងៃនៅក្នុងប្រទេសឥណ្ឌា បានពិភាក្សាលើប្រធានបទជាច្រើនជាមួយលោក Singhពាក់ព័ន្ធ​នឹង​ផលប្រយោជន៍​ទៅវិញទៅមកក្រោយរូបលោកចូលរួមពិធីស្វាគមន៍យ៉ាងកក់ក្តៅ និងបានដាក់កម្រងផ្កាគោរព្ធវិញ្ញាណក្ខន្ធនៅវិមានអនុស្សាវរីយ៍សង្រ្គាមជាតិ ស្ថិតនៅ​ក្នុង​រដ្ឋធានី​ប្រទេសឥណ្ឌាមួយនេះ។ 

ការចូលរួមរបស់ឥណ្ឌាជាមួយវៀតណាម មាននូវសារៈសំខាន់ខ្លាំង ពេលដែលប្រទេសមួយនេះ តែងតែរិះគន់ប្រទេសជិតខាងចិន ពាក់ព័ន្ធនឹងការអះអាង​របស់ពួកគេ​នៅ​សមុទ្រ​ចិនខាងត្បូង៕