អាល្លឺម៉ង់៖ អធិការបតីអាល្លឺម៉ង់លោកស្រី អែនជីឡា មឺគែល បានអំពាវនាវឲ្យពង្រីករដ្ឋសមាជិកនានា នៅក្នុងក្រុមប្រឹក្សាសន្តិសុខអង្គការសហប្រជាជាតិ នៅក្នុងសុន្ទរកថាបើករបស់លោកស្រី នៅឯមហាសន្និបាតអង្គការសហប្រជាជាតិ។
លោកស្រីបានថ្លែងថា ក្រុមប្រឹក្សាសន្តិសុខជាញឹកញាប់ជាប់គាំង នៅពេលដែលអំពាវនាវសុំឲ្យមានសេចក្ដីសម្រេចច្បាស់លាស់ យើងត្រូវការធ្វើកំណែទម្រង់ អង្គការសហប្រជាជាតិត្រូវតែបន្តអភិវឌ្ឍន៍ដើម្បីស្ថិតក្នុងជំហរមួយ ក្នុងបំណងធ្វើជាម្ចាស់បញ្ហាប្រឈមជាសកល នៃសតវត្សទី២១ នេះ។ កាលពីថ្ងៃចន្ទម្សិលមិញ លោកស្រី មឺគែល ក៏បានចូលរួមជាមួយប្រទេសនានា ដែលអំពាវនាវឲ្យមានការកែទម្រង់រចនាសម្ព័ន្ធរបស់អង្គការនេះ ដែលនឹងលើកទឹកចិត្តដល់ពហុភាគីនិយម។ លោកស្រីបន្តថា នៅចុងបញ្ចប់នៃថ្ងៃនេះ អង្គការសហប្រជាជាតិអាចមានប្រសិទ្ធភាពបាន លុះត្រាតែសមាជិកទាំងអស់រួបរួមគ្នា៕
អត្ថបទ៖ រិទ្ធី
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
