ឥណ្ឌា ៖ ស្ត្រីរាប់ពាន់នាក់បានចេញតវ៉ាតាមដងផ្លូវក្នុងទីក្រុង Imphal ភាគឦសាននៃប្រទេសឥណ្ឌាកាលពីថ្ងៃសៅរ៍ (១៧ មិថុនា) ដើម្បីបង្កើតរនាំងមនុស្សក្នុងការតវ៉ា ខណៈដែលពួកគេទាមទារឱ្យបណ្តេញពួកសកម្ម​ប្រយុទ្ធ​កុលសម្ព័ន្ធចេញ​ពីរដ្ឋម៉ានីពួរ ដែលរងគ្រោះដោយអំពើហិង្សា។ ក្រុមអ្នកតវ៉ាដោយមានកាន់ពិល បានដើរដង្ហែតាមដងផ្លូវ និងលើក​ពាក្យ​ស្លោក ខណៈបុគ្គលិកសន្តិសុខឈរយាមនៅក្បែរនោះ។

រដ្ឋម៉ានីពួរ បានជួបប្រទះអំពើហិង្សារីករាលដាលចាប់តាំងពីថ្ងៃទី ៣ ខែឧសភា បន្ទាប់ពីការតវ៉ារបស់សហគមន៍ជនជាតិ​ដើមភាគតិចបង្កឡើងដោយការអាក់អន់ចិត្តចំពោះអត្ថប្រយោជន៍សេដ្ឋកិច្ច និងតួនាទីការងាររដ្ឋាភិបាល ព្រមទាំង​ការអប់រំដែលបម្រុងទុកសម្រាប់ជនជាតិ គូគី ជាក្រុមជនជាតិភាគតិចដែលភាគច្រើនរស់នៅលើភ្នំ។

សហគមន៍ជនជាតិភាគតិច ម៉ីតី ដែលជាសហគមន៍លេចធ្លោនៅតំបន់ទំនាបនៃរដ្ឋដែល​មានប្រជាជនពាក់​កណ្តាលនៃ​ចំនួន​ប្រជាជនសរុបរបស់រដ្ឋនេះ ទាមទារឲ្យបន្ថែមអត្ថប្រយោជន៍នានានៃកូតាសកម្មភាពបញ្ជាក់​មានកំណត់ដ​ល់​ពួកគេ។ ប៉ុន្តែជនជាតិ គូគី បារម្ភថាការធ្វើបែបនោះមានន័យថាជនជាតិ ម៉ីតី នឹងទទួលបានចំណែកកាន់តែច្រើននៅ​ក្នុងវិស័យអប់រំ និងការងាររដ្ឋាភិបាលដែលបានបម្រុងទុកសម្រាប់ពួកគេ៕