ចិន ៖ នៅថ្ងៃចន្ទនេះ នាយករដ្ឋមន្រ្តីចិនលោក Li Qiang(លី ឈាង) បានចាប់ផ្តើមដំណើរ​ទស្សនកិច្ចផ្លូវ​ការរបស់​លោកទៅកាន់ប្រទេសអាល្លឺម៉ង់ ជាទីដែលលោកទទួលបានការស្វាគមន៍ពីលោកប្រធានាធិបតី Frank-Walter Steinmeierនៅប្រាសាទ Schloss Bellevue (ស្លូស បែលវ្យូ) ស្ថិតក្នុងទីក្រុងប៊ែរឡាំង ។ 

អំឡុងដំណើរទស្សនកិច្ចក្រៅប្រទេសលើកដំបូងរបស់លោក ចាប់តាំងពីឡើងកាន់​តំណែង​នាយករដ្ឋមន្រ្តី​ចិនកាល​ពីខែមីនា លោក Liនឹងដឹកនាំគណៈប្រតិភូចិន សម្រាប់ការពិគ្រោះយោបល់អន្តររដ្ឋាភិបាលជាមួយអាល្លឺម៉ង់ ដែលកំណត់ធ្វើឡើងនៅថ្ងៃទី ២០ ខែមិថុនាខាងមុខនេះ ហើយនិងចូលរួមកិច្ចប្រជុំ​កំពូលកិច្ចព្រមព្រៀង​ហិរញ្ញវត្ថុ​សកលថ្មី ដែលនឹងរៀបចំឡើងនៅទីក្រុងប៉ារីស ប្រទេសបារាំង ចាប់ពីថ្ងៃទី ២២ ដល់ថ្ងៃទី ២៣ ខែមិថុនាខាងមុខនេះ ។ 

គួរឲ្យដឹងថា ចិនគឺជាដៃគូពាណិជ្ជកម្មដ៏ធំរបស់អាល្លឺម៉ង់ ប៉ុន្តែពាក់ព័ន្ធនឹងទំនាក់ទំនងជាប់គាំងខ្លាំងជាងមុន ទីក្រុងប៊ែរឡាំង បាននិយាយនៅក្នុងការត្រួតពិនិត្យសន្តិសុខជាតិលើកដំបូងរបស់ខ្លួនដែលបានបញ្ចេញកាលពីថ្ងៃពុធថា ទីក្រុងប៉េកាំង គឺជាការគំរាមកំហែងកើនឡើង ៕