ខេត្តកំពង់ឆ្នាំង ត្រូវបានក្រសួងអភិវឌ្ឍន៍ជនបទ ប្រកាសជាខេត្តទី៥ បញ្ចប់ការបន្ទោបង់ ពាសវាល ពាសកាល

កំពង់ឆ្នាំង៖ នៅថ្ងៃទី២០ ខែមិថុនា ឆ្នាំ២០២៣នេះ ក្រសួងអភិវឌ្ឍន៍ជនបទ បានប្រកាសទទួលស្គាល់ជាផ្លូវការខេត្តកំពង់ឆ្នាំង ជាខេត្តទី៥ បន្ទាប់ពីខេត្តស្វាយរៀង ព្រៃវែង កណ្តាល និងខេត្តកំពង់ស្ពឺ ដែលទទួលបានជ័យលាភីជាខេត្តបញ្ចប់ការបន្ទោបង់ពាសវាលពាសកាល (ODF) ក្រោយពីការខិតខំប្រឹងប្រែងរបស់រាជរដ្ឋាភិបាល ក្នុងរយៈពេល១០ឆ្នាំចុងក្រោយនេះ ដើម្បីសុខុមាលភាពប្រជាពលរដ្ឋ។

ឯកឧត្តម សួស គង់ រដ្ឋលេខាធិការប្រចាំការក្រសួងអភិវឌ្ឍន៍ជនបទបានថ្លែងថា ការបញ្ចប់ការបន្ទោបង់ពាសវាលពាសកាល(ODF)ក្នុងខេត្តកំពង់ឆ្នាំងនេះ ក៏ដោយសារតែមានការគាំទ្រ និងចូលរួមយ៉ាងសកម្មពីអ្នកពាក់ព័ន្ធ ដោយបានធ្វើការយ៉ាងយកចិត្តទុកដាក់នៅគ្រប់កម្រិត ក្នុងការពង្រឹងការរៀបចំស្ថាប័ន , ការអភិវឌ្ឍផែនការបញ្ចប់ការបន្ទោបង់ពាសវាលពាសកាលតាំងពីទីក្រុងរហូតដល់ជនបទ ។ ការអនុវត្តប្រព័ន្ធតាមដាន និងត្រួតពិនិត្យអនាម័យ , ចលនាឱ្យមានការចូលរួមពីសហគមន៍ , ការរៀនសូត្រ ការផ្លាស់ប្ដូរបទពិសោធន៍ និងការផ្តោតការយកចិត្តទុកដាក់ដល់ក្រុមមនុស្សដែលងាយរងគ្រោះ និងការលំបាកក្នុងការទទួលបានសេវាផងដែរ ។ ការសម្រេចបានការបញ្ចប់ការបន្ទោបង់ពាសវាលពាសកាលនេះ ជាសមិទ្ធផលដ៏ធំមួយរួចទៅហើយ ប៉ុន្តែនៅមានការងារជាច្រើនទៀត ដែលយើងត្រូវធ្វើ ។ យើងត្រូវធានាថា គ្រួសារទាំងអស់មានបង្គន់អនាម័យ និងប្រើប្រាស់បង្គន់អនាម័យគ្រប់គ្នា ដើម្បីសម្រេចបាននូវការទទួលបានសេវាអនាម័យកម្រិតមូលដ្ឋានជាសកល និងរក្សាបាននិរន្តរភាពនៃសេវាអនាម័យស្អាត ។ ទាំងអស់គ្នាត្រូវការមួយជំហានទៀត ដើម្បី សម្រេចបានសេវាគ្រប់គ្រងអនាម័យប្រកបដោយសុវត្ថិភាព លើសពីការប្រើប្រាស់បង្គន់ទៅជាការគ្រប់គ្រងកាកសំណល់លាមក ។ ភាពជោគជ័យនេះដែរ ក៏នៅមានបញ្ហាប្រឈមសំខាន់មួយទៀត គឺការរក្សាឱ្យមាននិរន្តរភាព នូវស្ថានភាពការបញ្ចប់ការបន្ទោបង់ពាសវាលពាសកាល ហើយត្រូវធានាថា បរិក្ខារទឹកស្អាត និងអនាម័យទាំងអស់ មានភាពធន់ទ្រាំ នឹងការប្រែប្រួលអាកាសធាតុ ។

ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំងបានថ្លែងថា៖ ក្នុងខេត្តកំពង់ឆ្នាំង ខ្នងផ្ទះដែលមានបង្គន់ អនាម័យប្រើប្រាស់មានចំនួន១១៦៦៤៨ផ្ទះនៃចំនួនផ្ទះសរុប១៩៥ ៤០៦ខ្នង ។ ផ្ទះប្រើបង្គន់អនាម័យរួមមានចំនួន ១១ ២០២ខ្នង ចំណែកចំនួនខ្នងផ្ទះបានលាងសម្អាតដៃនឹងសាប៊ូ ស្មើនឹង ១០០% នៃចំនួនខ្នងផ្ទះសរុប ។ ស្ថានភាពក្រុងស្រុកដែលទទួលបានODF មានស្រុកបរិបូណ៌ ស្រុកជលគីរី ស្រុកកំពង់លែង ស្រុករលាប្អៀរ ស្រុកកំពង់ត្រឡាច ស្រុកសាមគ្គីមានជ័យ និងស្រុកទឹកផុស ទទួលបាន ODF នៅចុងខែមីនាឆ្នាំ២០២៣កន្លងទៅនេះ៕ ហុង វាស្នា

អត្ថបទដែលទាក់ទង

រដ្ឋមន្ត្រីការបរទេសកម្ពុជាជម្រាបជូនរដ្ឋមន្ត្រីការបរទេសកូរ៉េអំពីបច្ចុប្បន្ន ភាពនៃស្ថានភាពព្រំដែនកម្ពុជា-ថៃ

សម្តេចកិត្តិសង្គហបណ្ឌិត ម៉ែន សំអន ចាត់ទុកវិនិយោគិនគឺជា «ដៃគូអភិវឌ្ឍន៍ដែលមិនអាចខ្វះបាន» ខណៈដែលក្រុមហ៊ុនចិនធំៗចំនួន ៦០ សម្លឹងឃើញពីសក្តានុពល និងឱកាសវិនិយោគនៅកម្ពុជា

អ្នករាយការណ៍ពិសេសសម្តែងនូវការបារម្ភចំពោះស្ថាននភាពសិទ្ធិមនុស្សដោយសារជម្លោះព្រំដែន

បណ្ដាញសង្គម

ព័ត៌មានចុងក្រោយ

បេសកជន៖ ការវិលត្រឡប់របស់មេដឹកនាំមីយ៉ាន់ម៉ាទៅកាន់កិច្ចប្រជុំអាស៊ាន ស្ថិតលើផ្លូវវែងឆ្ងាយណាស់

ក្រុមបាតុករប៉ះទង្គិចជាមួយនគរបាលអាល់បានី អំឡុងការតវ៉ាបង្កឡើងដោយគម្រោងរមណីយដ្ឋាន

EU ហៅការវាយប្រហាររបស់ក្រុមហ៊ួទី លើនាវាដឹកប្រេងថា មិនអាចទទួលយកបាន និងព្រមានកុំបង្កើនភាពតានតឹងបន្ថែម

ក្រុមប្រឆាំងអ៊ីស្រាអែលហៅកិច្ចព្រមព្រៀងនុយក្លេអ៊ែរអាមេរិក-អារ៉ាប៊ីសាអ៊ូឌីតថា ជាបរាជ័យរបស់លោក Netanyahu

ជនស៊ីវិល ១៦នាក់ត្រូវបានសម្លាប់ អំឡុងការវាយប្រហារថ្មីរបស់ក្រុមឧទ្ទាម នៅភាគខាងកើតកុងហ្គោ

ព័ត៌មានពេញនិយម

ក្រសួងអប់រំនឹងពិនិត្យលើកពេលប្រឡងបាក់ឌុបទៅដើមឆ្នាំ២០២២

ក្រុមក្មេងទំនើង ០៤នាក់ប្រើដាវ និងពូថៅបង្កហិង្សា ត្រូវតុលាការចោទប្រកាន់ពីបទ « ហិង្សា និងប៉ុនប៉ងឃាតកម្ម »

សម្ដេចតេជោ ហ៊ុន សែន ប្រកាសពីការចាប់ខ្លួនបុរសម្នាក់មានTikTok ឈ្មោះ «ហ៊ៅ អ៊ូខុង» ដែលផ្សព្វផ្សាយបំពុលព័ត៌មាន

សមត្ថកិច្ចខេត្តឧត្តរមានជ័យ ចុះធ្វើការស្រាវជ្រាវឃាត់ខ្លួនជនសង្ស័យចំនួន៣នាក់ លើករណីរំលោភសម្លាប់ នៅសង្កាត់អូរស្មាច់

សាលារដ្ឋចាប់ផ្ដើមផ្លាស់ប្ដូរទៅសិក្សាពេញមួយថ្ងៃដោយបង្រៀនថែមទាំងកំព្យូទ័រ និងភាសាអង់គ្លេស

ព័ត៌មានវីដេអូ

ក្រោយសង្រ្គាមរយៈពេលរាប់ទសវត្សរ៍ជាមួយរបបអ៊ីរ៉ង់ ក្រុមឃឺដមើលឃើញជ័យជំនះកាន់តែខិតជិតមកដល់

រុស្ស៊ី បាញ់មីស៊ីលលើក្រុង Kharkiv បន្ទាប់ពីអ៊ុយក្រែន វាយប្រហារយានដ្រូនដ៏ធំលើរុស្ស៊ី

ចិនជំរុញឲ្យសហរដ្ឋអាមេរិកគោរពការប្តេជ្ញាចិត្ត និងឈប់ផ្ដល់អាវុធដល់កោះតៃវ៉ាន់

កម្មករ និយោជិតនៅភ្នំពេញជិតពីរម៉ឺននាក់ នឹងជួបសម្ដេចតេជោនៅព្រឹកស្អែក

រដ្ឋសភាបានបោះឆ្នោត ផ្តល់សេចក្តីទុកចិត្ត ឯកឧត្តម ឌិត ទីណា ជារដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ខេត្តកំពង់ឆ្នាំង ត្រូវបានក្រសួងអភិវឌ្ឍន៍ជនបទ ប្រកាសជាខេត្តទី៥ បញ្ចប់ការបន្ទោបង់ ពាសវាល ពាសកាល