​បាល់ទាត់៖ ​ក្រុម Sporting Lisbon បាន​ក្លាយជា​ជើងឯក ​ក្របខណ្ឌ​លី​គ​កំពូល​ព័រទុយហ្កាល់​លើកដំបូង​គិតពី​ឆ្នាំ២០០២ ក្រោយ​ជ័យជំនះ ១-០ លើ Boavista​ យប់មិញ​។ ​គ្រាប់​បាល់​ជ័យជំនះ​មួយគ្រា​ប់​គិត​របស់ Sporting Lisbon ធ្វើបាន​ដោយ Paulinho​ នៅ​នាទី​ទី៣៦ ដែល​ធ្វើអោយ Sporting Lisbon ដាច់​ពិន្ទុ Porto ៨ពិន្ទុ​នៅសល់ ២ប្រកួត​ទៀត​ចប់​រដូវ​កាល​។

​​Sporting Lisbon មិនដែល​ចាញ់​ឡើយ ៣២ប្រកួត​កន្លងមក ​ខណៈ​ជើងឯក​លើក​នេះ​ក៏បាន​បញ្ចប់​រជ្ជកាល ១៩ឆ្នាំ​នៃ​ការ​គ្រង​ជើងឯក​តែ ២​ក្រុម​គឺ Benfica ​និង Porto​។ ​អ្នកគាំទ្រ Sporting Lisbon រាប់ពាន់នាក់​បាន​ប្រមូល​ផ្តុំគ្នា​អបអរសាទរ​ជើងឯក ​នៅ​ខាងក្រៅ​កីឡដ្ឋាន Jose Alvalade ​តាំង​ពីមុន​ប្រកួត​ចាប់ផ្តើម​។​ ​នេះ​ជា​ជើងឯក Primeira Liga ​ព័រទុយហ្កាល់​លើក​ទី១៩ ក្នុង​ប្រវត្តិសាស្ត្រ​សំរាប់ Sporting Lisbon ដែល​ជើងឯកចុងក្រោយ​របស់​ពួកគេ​តាំងពី​រដូវ​កាល ២០០១-២០០២​។

​​តាំងពី​ពេលនោះ​មក Porto ឈ្នះ​ជើងឯក ១១លើក ខណៈ Benfica ​ឈ្នះ ៧លើក​។​ ​គិត​មក​ដល់​ពេល​នេះ Benfica​ នៅតែ​ក្រុម​ដែល​ឈ្នះ​ជើងឯក​ លី​គ​ព័រទុយហ្កាល់​ច្រើនជាងគេ​ដល់​ទៅ ៣៧លើក, Porto ២៩លើក, Sporting Lisbon ១៩លើក, Belenenses ១លើក និង Boavista ១លើក​៕

​អត្ថបទ​៖​នាង សុភា​វុ​ធ