បែលហ្ស៊ិក ៖ អ្នកស្រុកនៅរដ្ឋធានីព្រុចសែល ប្រទេសបែលហ្ស៊ិក បាននិងកំពុងងាកទៅរកទីផ្សារតាមដងផ្លូវក្នុងតំបន់ ដើម្បីទិញអាហារក្នុងតម្លៃអាចតថ្លៃបាន ស្របពេលកំណើនអតិផរណាខ្ពស់នាពេលថ្មីៗនេះ។

ផ្សារ Marche des Abattoirs ដែលមានប្រវត្តិអាយុកាលជាង ១៣០ ឆ្នាំ ត្រូវបានគេស្គាល់ថាជា "ផ្សារគោ" ដោយសារតែមានរូបចម្លាក់សត្វគោសំរឹទ្ធពីរដែលយាមច្រកចូលផ្លូវរបស់ផ្សារនោះ។

ថ្វីត្បិតតែការដើរទិញឥវ៉ាន់នៅផ្សារ Abattoir មិនមានភាពងាយស្រួលដូចក្នុងផ្សារទំនើបក៏ដោយ ក៏អ្នកស្រុកបាន​នាំគ្នាទៅទិញអាហារនៅផ្សារតាមដងផ្លូវនោះ ដោយសារតែវាមានតម្លៃទាបជាងក្នុងផ្សារទំនើប។

អត្រាអតិផរណានៅក្នុងប្រទេសបែលហ្ស៊ិកបានឈានដល់ ៩,២៥ ភាគរយកាលពីឆ្នាំ ២០២២ ហើយនៅតែមាន​ច្រើនជាង ៥ ភាគរយកាលពីខែឧសភា ឆ្នាំ២០២៣ នេះបើយោងតាមការិយាល័យផែនការសហព័ន្ធរបស់ប្រទេស។ អតិផរណាខ្ពស់ និងការឡើងថ្លៃនៃទំនិញបានធ្វើឱ្យជីវិតកាន់តែលំបាកសម្រាប់ប្រជាជនបែលហ្ស៊ិក ដែលបានព្យាយាមសន្សំសំចៃ និងមានការព្រួយបារម្ភអំពីអនាគត៕