អ្នកឆ្លើយឆ្លងព័ត៌មាន Zhang Xin) វិចនំអន្សម ធ្វើកញ្ចប់ថ្នាំចិនក្រអូប ធ្វើទូកនាគដោយដៃ បង្រៀនអំពីវប្បធម៌ចិន... ក្នុងឱកាសពិធីបុណ្យសែននំចាំងនេះ China Construction Third Engineering Bureauបានសហការជាមួយ​នឹងវិទ្យាស្ថានខុងជឺនៃរាជបណ្ឌិត្យសភាកម្ពុជាទៅដល់ Baray Wisdom Nest Schoolក្នុងប្រទេសកម្ពុជា និងរួមគ្នាជាមួយសិស្សកម្ពុជាប្រារព្ធពិធីបុណ្យសែននំចាំងដោយផ្ចិតផ្ចង់ កុមារទាំងអស់សើចសប្បាយរីករាយនៅពេលដែលបានស្គាល់នូវភាពទាក់ទាញរបស់វប្បធម៌ចិន។

ខ្ញុំចូលចិត្តវប្បធម៌ចិនខ្លាំងណាស់ ហើយខ្ញុំសប្បាយចិត្តណាស់ដែលបានស្វែងយល់​ពី​ពិធីបុណ្យសែននំចាំងរបស់ប្រទេសចិនតាមរយៈព្រឹត្តិការណ៍នេះ។ សិស្សម្នាក់ឈ្មោះ Menglark Eliyahបាននិយាយថា "ថ្ងៃនេះខ្ញុំបានធ្វើកញ្ចប់ថ្នាំចិនក្រអូបមួយដោយខ្លួនឯង បងប្រុសអ្នកស្ម័គ្រ​ចិត្តបាននិយាយថា នេះគឺតំណាងឱ្យសុខសប្បាយសុខភាពល្អ ​ហើយខ្ញុំនឹងយកកញ្ចប់ជូន​ទៅ​ឱ្យម្តាយរបស់ខ្ញុំ" ។

លោក Wang Feng នាយកវិទ្យាស្ថានខុងជឺនៃរាជបណ្ឌិត្យសភាកម្ពុជា បាននិយាយថា៖ ពិធីបុណ្យប្រពៃណីចិនគឺជាផ្លូវមួយសម្រាប់ឱ្យពិភពលោកយល់ច្បាស់អំពីវប្បធម៌ចិន។ ពួកយើងចង់ធ្វើឱ្យមនុស្សគ្រប់គ្នាយល់ពីភាព ទាក់ទាញដ៏ពិសេសនៃពិធីបុណ្យប្រពៃណីចិន​តាមរយៈសកម្មភាពផ្លាស់ប្តូរវប្បធម៌របៀបនេះ។

យុវជនស្ម័គ្រចិត្តម៉ី ដា ជាវិស្វករផ្នែកផ្គត់ផ្គង់ទឹក និងបង្ហូរទឹកលូនៃគម្រោងអាកាសយានដ្ឋាន​អន្តរជាតិ​តេជោរបស់ China Construction Third Engineering Bureauនៅកម្ពុជា លើកនេះគាត់ត្រូវ​បានអញ្ជើញឱ្យមកបង្រៀនអំពីមូលដ្ឋានគ្រឹសនៃផ្នែកស្ថាបត្យកម្មនៅសាលា ចែករំលែក​បទពិសោធន៍​សិក្សានៅប្រទេសចិន ​និងធ្វើការផ្នែកសំណង់ ​ផ្តល់នូវយោបល់ និងពីការលូតលាស់​របស់គាត់ទុកជាបទពិសោធន៍។ នៅពេលដែលខ្ញុំបានឃើញសិស្សានុសិស្សនៅទីនេះ ​ ខ្ញុំហាក់ដូចជាឃើញខ្លួនឯងនៅពេលដែលខ្ញុំនៅរៀន។

ខ្ញុំគិតថាការជ្រើសរើសទៅសិក្សានៅប្រទេសចិន ចូលបម្រើការងារនៅChina Construction Third Engineering Bureauដែលនៅស្រុកកំណើតរបស់ខ្លួនគឺជាជម្រើសដ៏ត្រឹមត្រូវបំផុតដែលខ្ញុំបានធ្វើ។ ប្រទេស​កម្ពុជា​ឥឡូវ​នេះ តម្រូវការនៃអ្នកសិស្ស​ដែល​អាច​និយាយ​ភាសា​ចិន​កំពុង​កើន​ឡើង ហើយ​ខ្ញុំ​ក៏​សង្ឃឹម​ថា​ បទពិសោធន៍​របស់​ខ្ញុំ​ក៏​អាច​ជួយ​ពួកគេ​បាន​ខ្លះ​ដែរ»។

លោក នឿន មុនីនាថ ជា​និស្សិត​ដែល​បាន​ចូល​រួម​ក្នុង​ការ​បង្រៀន​បាន​ប្រាប់​អ្នក​សារព័ត៌មានថា៖ នេះជាលើកទីមួយហើយដែលខ្ញុំមានការយល់ដឹងទូលំទូលាយអំពីប្រទេសចិន និងដឹងច្រើនអំពី​ស្ថាបត្យកម្មចិន ​ហើយខ្ញុំក៏ចង់ក្លាយជាវិស្វករដែរ។ ​ប្រសិនបើខ្ញុំមានឱកាស ខ្ញុំចង់ទៅទីក្រុងប៉េកាំង​ដើម្បីទទួលបទពិសោធន៍អំពីវប្បធម៌ចិន​ និងមើលអគារខ្ពស់ៗ​នៅប្រទេសចិន។

នៅថ្ងៃដដែលនេះដែរ China Construction Third Engineering Bureauក៏បានបរិច្ចាគ​សៀវភៅជាង200ក្បាលដល់សាលា ហើយភាគីទាំងពីរបានរួមគ្នា​ចូលរួមនូវការ​សម្ពោធ​បន្ទប់ដាក់សៀនភៅឈោះ"ជួបនឹងសុភមង្គល" របស់សាលាផងដែរ។

China Construction Third Engineering Bureau លោក Liu Hao នាយកផ្នែកអគ្គិសនី​នៃគម្រោងអាកាស​យានដ្ឋានអន្តរជាតិតេជោ ​បានមានប្រសាសន៍ថា "ក្នុងនាមជាសមាជិកនៃ China Construction Third Engineering Bureauនេះ ពួកយើងមិនត្រឹមតែជាអ្នកបន្តស្នងផ្នែក​សាងសង់​របស់ប្រទេសចិនប៉ុណ្ណោះទេ ​ប៉ុន្តែក៏ជាអ្នកបន្តភ្ចាប់ចំណងមិត្តភាពរបស់ចិន-កម្ពុជាផងដែរ។