ភ្នំពេញ៖ ប្រជាពលរដ្ឋអ្នករស់នៅរាជធានីភ្នំពេញ ​បានបង្ហាញពីការមើលឃើញនូវការអភិវឌ្ឍ​ជាខ្លាំងលើគ្រប់វិស័យទាំងអស់ ទាំងនៅក្នុងរាជធានីភ្នំពេញ និងតាមបណ្តាខេត្តនៅទូទាំងប្រទេស ក្រោមការដឹកនាំរបស់សម្តេចតេជោ ហ៊ុន សែន​ ហើយពួកគេអះអាងថា នឹងបោះឆ្នោតគាំទ្របក្សប្រជាជនកម្ពុជាទៀត ។

ប្រជាពលរដ្ឋ បានលើកឡើងថា ក្នុងពេលបច្ចុប្បន្ននេះ ពួកគេបានសម្លឹង​ឃើញ​សមិទ្ធផល​អភិវឌ្ឍន៍​ ជាច្រើនរីកដុះដាលនៅពាសពេញផ្ទៃប្រទេស ​ក្រោមការដឹកនាំរបស់សម្តេចតេជោ​ នោះហើយ ទើបពលរដ្ឋ ​បានបង្ហាញទឹកចិត្តនៅបន្តគាំទ្រគណបក្សប្រជាជនកម្ពុជាបន្តទៀត និង​បន្តបោះឆ្នោះឆ្នោត​ជូនគណបក្ស សម្រាប់ការបោះឆ្នោតជ្រើសតាំងតំណាងរាស្ត្រនីតិកាលទី០៧នេះ ដើម្បីបន្តការដឹកនាំអភិវឌ្ឍន៍​ រក្សាសុខ សន្តិភាពជូនប្រជាពលរដ្ឋ និងប្រទេស ។

ការបោះឆ្នោតជ្រើសតាំងតំណាងរាស្ត្រនីតិកាលទី០៧ ​នឹងដំណើរការនៅថ្ងៃទី២៣​ ខែកក្ដដា ខែ ក្រោយនេះ ។

ពលរដ្ឋបានបញ្ជាក់ថា ពួកគេបានត្រៀមជាស្រេច ​រៀបចំឯកសារ ​ក៏ដូចជាបានផ្ទៀងផ្ទាត់ ឈ្មោះនៅក្នុងបញ្ជីបោះឆ្នោត ​ដើម្បីទៅចូលរួមបោះឆ្នោតជូនគណបក្ស ដែលបានដឹកនាំ​ឱ្យ​មានការអភិវឌ្ឍ ​និងដើម្បីបំពេញកាតព្វកិច្ចជាពលរដ្ឋល្អក្នុងសង្គមជាតិ ៕ អត្ថបទ៖ លីហេង