ហៃទី ៖ ប្រធានមូលនិធិកុមារអន្តរជាតិ UNICEFនៃអង្គការសហប្រជាជាតិ(UN) បានបំពេញទស្សនកិច្ចទៅ​កាន់ជំរំជន​ភៀស​ខ្លួន​នៅក្នុងប្រទេសហៃទី និងបានទាមទារឲ្យពិភពលោក កុំបំភ្លេចវិបត្តិមនុស្សធម៌ដែល​កំពុងប៉ះពាល់ជនភៀស​ខ្លួន ជាពិសេសកុមារនៅក្នុងប្រទេសមួយនេះឡើយ ។ 

យោងតាមការប៉ាន់ស្មានរបស់ UN បានឲ្យដឹងថា ក្រុមប្រដាប់អាវុធធន់ធ្ងន់ បានពង្រីកដែនដីគ្រប់គ្រងរបស់​ពួកគេ​ ហើយបច្ចុប្បន្ន​បានគ្រប់គ្រងសហគមន៍ជាច្រើន ដែលមានប្រជាពលរដ្ឋរស់នៅ​ប្រហែល ២លាននាក់ ដោយភាគ​ច្រើន​នៃពួកគេគឺជាស្រ្តី និងកុមារដែលប្រឈមនឹងការសម្លាប់ក្រៅប្រព័ន្ធតុលាការ និងអំពើហិង្សាផ្លូវភេទជារៀងរាល់ថ្ងៃ ។ 

អំពើហិង្សាមួយនេះ បង្កឲ្យកើតមានវិបត្តិមនុស្សធម៌ដែលទីភ្នាក់ងារ UN មួយនេះ ជឿថា មានជនភៀសខ្លួនក្នុង​ប្រទេស​ជាង ១៦៥.០០០នាក់ ខណៈធ្វើឲ្យពួកគេភាគច្រើន ព្យាយាមរត់គេចប្រកបដោយគ្រោះថ្នាក់ដោយការធ្វើដំណើរតាមទូក ។ 

លោកស្រី Catherine Russell គឺជាប្រធានប្រតិបត្តិ UNICEF បានធ្វើដំណើរទៅដល់ជំរំ New Church of God of Deliverance ដែលបច្ចុប្បន្នផ្តល់ទីជម្រកដល់ជនភៀសខ្លួន ១២០គ្រួសារមកពីតំបន់រងផលប៉ះពាល់ជាច្រើន

ដែលរួមទាំងកុមារ ២៣៩នាក់ផងដែរ ។  

នៅក្នុងជំនួបពិសេសស្តីពីប្រទេសហៃទីកាលពីសប្តាហ៍មុន លោកស្រី Russell និយាយថា UNICEF បានមើលឃើញ​កំណើន ៣០ភាគរយមិនធ្លាប់មានពីមុនមកនៃកុមារហៃទី រងគ្រោះដោយសារកាកសំណល់ធ្ងន់ធ្ងរ ពីឆ្នាំមុន ធ្វើឲ្យពួកគេងាយរងគ្រោះកាន់តែខ្លាំងរហូតដល់បាត់បង់ជីវិតដោយសារជំងឺអាសន្នរោគដែល

បានកើតមានឡើង​វិញកាលពីខែតុលា។ 

ទីភ្នាក់ងារមួយនេះ បានប៉ាន់ស្មានផងដែរថា កុមារជាង ១០ម៉ឺននាក់ ប្រឈមនឹងការអត់ឃ្លានរហូតដល់ស្លាប់ ៕