អាមេរិក ៖ ក្រុមអ្នកស្រាវជ្រាវ កំពុងវិភាគលើអាយុវែងរបស់សុនខ ខណៈពេលដែលពួកគេពិសោធន៍​ថ្នាំដែលអាចពន្យឺត​ភាពចាស់ទាំងនៅលើសុនខ និងលើមនុស្ស ។ 

ដឹកនាំដោយក្រុមអ្នកវិទ្យាសាស្រ្តមកពីសាកលវិទ្យាល័យ Washington និងសាកលវិទ្យាល័យ Texas A&M គម្រោង Dog Aging Project នឹងពិនិត្យមើលវដ្តជីវិតរបស់ចង្កូមសុនខ តាមរយៈទិន្នន័យសុខភាព ដែលប្រមូលបានដោយម្ចាស់​សុនខពីចំនួនសុនខប្រហែល ៤៤.០០០ក្បាល គ្រប់អាយុ និងគ្រប់ពូជទាំងអស់ នៅទូទាំងសហរដ្ឋអាមេរិក ។ 

សុនខ ៥រយក្បាលក្នុងចំណោមសុនខទាំងអស់នេះ នឹងចូលរួមការធ្វើតេស្តថ្នាំពេទ្យ Rapamycin ដែលតាមធម្មតា​ប្រើប្រាស់ក្នុងជំងឺមហារីក និងការព្យាបាលប្តូរសរីរាង្គដែលធ្លាប់បានបង្ហាញពីការពន្យឺត​ភាពចាស់របស់សត្វ​កណ្តុរ​អំឡុងការស្រាវជ្រាវលើកមុន ។ 

យោងតាមការអះអាងរបស់លោកវេជ្ជបណ្ឌិត Genna Atieeដែលជាសាស្រ្តាចារ្យរងផ្នែកវេជ្ជសាស្រ្តនៅ​មហាវិទ្យាល័យពេទ្យសត្វ និងវិទ្យាសាស្ត្រជីវវេជ្ជសាស្ត្រនៃសាកលវិទ្យាល័យ Texas A&M បានឲ្យដឹងថា ថ្នាំពេទ្យ Rapamycin ទំនងជាផ្លាស់ប្តូរការរំលាយអាហារក្នុងរាយកាយសត្វ ដែលអាចបន្តជីវិតរបស់សត្វបានយូរ ។ 

លោក Atiee និយាយថា វានឹងកាត់បន្ថយបរិមាណស្រ្តេស ជាពិសេសមាននៅលើរាងកាយ ហើយពួកយើង​គិតជាយូរមកហើយ ថាវានឹងមានឥទ្ធិពលដល់អាយុវែងរបស់ពួកយើង ៕