នេះជាលទ្ធផលកាលពីថ្ងៃពុធក្នុងការវាយប្រហារដោយអ្នកតាំងលំនៅរបស់អ៊ីស្រាអែល នៅតំបន់គ្រប់គ្រង West Bank ជាទីដែលក្រុមមន្ត្រី និយាយថា យ៉ាងហោចណាស់មនុស្សម្នាក់បានស្លាប់ និងម្នាក់ផ្សេងទៀតរងរបួសធ្ងន់។

ពួកគេបានដុតរថយន្ត និងអគារនៅក្នុងភូមិជាច្រើន ជាការសងសឹកជាក់ស្តែងចំពោះការសម្លាប់ពលរដ្ឋអ៊ីស្រាអែល ៤នាក់របស់ក្រុមហាម៉ាស នៅជិតកន្លែងតាំងទីលំនៅមួយកន្លែងនៅថ្ងៃមុននោះ។

ពលរដ្ឋឈ្មោះ Noman Shalabi និយាយថា គាត់បានឃើញ អ្នកតាំងលំនៅឋានរាប់សិបនាក់ បានមកទីនេះ ប្រហែល ២០០.២៥០នាក់ ដែលពួកគេបានព្យាយាមចូលទៅក្នុងបរិវេន ពួកគេបានដុតរថយន្ត ហើយពួកគេបានចាប់ផ្តើមបាញ់សំដៅទៅលើលំនៅឋានមួយខ្នង ដោយប្រើគ្រាប់កាំភ្លើង និងដុំថ្ម ហើយពួកគេបានធ្វើឲ្យបាក់វេរ៉ង់ដានៅលំឋាននោះ។ យោធាអ៊ីស្រាអែល បាននិយាយថា ខ្លួនបានប្រើប្រាស់យានដ្រូនដើម្បីវាយប្រហារក្រុម​សកម្មប្រយុទ្ធ​ដោយកំពុងរារាំងការវាយប្រហារ។

ជាការឆ្លើយតប នាយករដ្ឋមន្ត្រីអ៊ីស្រាអែល លោក Benjamin Netanyahu បាននិយាយថា យើងនឹងមិនទទួលយកការបង្កហេតុណាមួយមកលើនគរបាលឬកងកម្លាំងសន្តិសុខឡើយ។ ទាំងអស់នេះកើតឡើងបន្ទាប់ពីការប្រយុទ្ធគ្នាអស់ជាច្រើនម៉ោងរវាងអ្នកប្រយុទ្ធប៉ាឡេស្ទីន និងទាហានអ៊ីស្រាអែលនៅទីក្រុង Jenin កាលពីដើមសប្តាហ៍។ ការប្រយុទ្ធគ្នាខ្លាំងបំផុតក្នុងរយៈពេលប៉ុន្មានខែនេះកើតឡើងបន្ទាប់ពីមានភាពស្ងប់ស្ងាត់ជាបន្តបន្ទាប់។ រហូតមកដល់ឆ្នាំនេះ ពលរដ្ឋប៉ាឡេស្ទីនជាង ១៧០នាក់ ដែលភាគច្រើនជាក្រុមសកម្មប្រយុទ្ធ ប៉ុន្តែមួយចំនួនក្នុងចំណោមនោះជាជនស៊ីវិល ត្រូវបានសម្លាប់ដោយកងកម្លាំងអ៊ីស្រាអែល។ ជនជាតិអ៊ីស្រាអែលជាង២០នាក់ និងជនបរទេសម្នាក់ត្រូវបានសម្លាប់នៅក្នុងការវាយប្រហារ​ដោយពលរដ្ឋប៉ាឡេស្ទីន។ ប៉ាឡេស្ទីន បានត្អូញត្អែរម្តងហើយម្តងទៀតអំពីការវាយប្រហាររបស់អ្នក​តាំង​លំនៅ នៅតំបន់ West Bank ។

ទាំងប្រទេសអេហ្ស៊ីប ទាំងហ្ស៊កដានី ដែលមានទំនាក់ទំនងការទូតជាមួយអ៊ីស្រាអែល បាន​ថ្កោលទោស​ការវាយប្រហារកើតឡើងថ្មីៗនេះ។​ ទេសរដ្ឋមន្ត្រីមួយចំនួនក្នុងរដ្ឋាភិបាលអ៊ីស្រាអែល​កំពុងអំពាវនាវឱ្យមានប្រតិបត្តិការយោធាពេញលេញនៅតំបន់ West Bank។