អាជ្ញាធរការពារជនស៊ីវិលក្នុងតំបន់បានរាយការណ៍ថា មនុស្សយ៉ាងហោចណាស់៥នាក់បានស្លាប់ និង១៤នាក់ផ្សេងទៀត បានរងរបួសក្នុងគ្រោះថ្នាក់រថយន្តជាច្រើនគ្រឿងបុកគ្នានៅប្រទេសម៉ិកស៊ិក កាលពីថ្ងៃពុធ។

លោក Victor Hugo Roldan ឣគ្គនាយកឣង្គភាពការការពារជនស៊ីវិលរដ្ឋ Jalisco បានរាយការណ៍ថា ស្ថានភាព​សុខភាពរបស់អ្នករងរបួស ​មានពីអ្នកមានស្ថិរភាពដល់របួសធ្ងន់។

រូបភាពជាច្រើនចែករំលែកដោយ អង្គភាពការពារជនស៊ីវិល បានបង្ហាញពីភ្លើងឆាបឆេះ និង​ផ្សែងហុយ​ចេញពីយានយន្តជាច្រើនគ្រឿង ​នៅរដ្ឋ Jalisco ​ភាគខាងលិច។

គ្រោះថ្នាក់ដែលបានកើតឡើងនៅជិតទីក្រុង ​Tepatitlan ​រួមមាន រថយន្តទេសចរណ៍៦គ្រឿង រថយន្តអ្នកដំណើរ៤គ្រឿង​ ត្រាក់ទ័រសណ្តោង៤គ្រឿង ​រថយន្តដឹកទំនិញមួយគ្រឿង និង​រថយន្តដឹកទំនិញធុនតូចមួយគ្រឿង។