ប្រធានាធិបតីសហរដ្ឋអាមេរិក លោក Joe Biden និងស្ត្រីទី១ លោកស្រី Jill Biden បានស្វាគមន៍នាយករដ្ឋមន្ត្រីឥណ្ឌាលោក Narendra Modi នៅសេតវិមានកាលពីថ្ងៃពុធ។

លោក Biden និងលោក Modi នឹងថ្លែងសុន្ទរកាថា និងទទួលសំនួរពីក្រុមអ្នកសារព័ត៌មាន នៅថ្ងៃព្រហស្បតិ៍នេះ អំឡុងដំណើរទស្សនកិច្ចផ្លូវរដ្ឋរបស់មេដឹកនាំឥណ្ឌា ជាព្រឹត្តិការណ៍មួយដែលមន្ត្រីជាន់ខ្ពស់នៅសេតវិមានចាត់ទុកថាជា«កិច្ចព្រមព្រៀងដ៏ធំ»។

លោកBiden កំពុងស្ថិតក្រោមសម្ពាធរបស់សមាជិកគណបក្សប្រជាធិបតេយ្យដើម្បីលើកឡើងពីបញ្ហាសិទ្ធមនុស្សជាមួយលោក Modi ក្នុងពេលមានការព្រួយបារម្ភអំពីដើរថយក្រោយនៃលទ្ធិប្រជាធិបតេយ្យនៅក្នុងប្រទេសឥណ្ឌា ក្រោមការដឹកនាំរបស់គណបក្សគណបក្ស Bharatiya Janata ជាតិនិយមហិណ្ឌូ របស់លោក Modi។

បញ្ហាសិទ្ធមនុស្សអាចជាប្រធានបទមួយនៅក្នុងសន្និសីទសារព័ត៌មាន។

លោក Modi បានធ្វើដំណើរទស្សនកិច្ចមកកាន់សហរដ្ឋអាមេរិក៥លើកមកហើយ ចាប់តាំងពីក្លាយជានាយករដ្ឋមន្ត្រីនៅក្នុងឆ្នាំ២០១៤ ប៉ុន្តែដំណើរទស្សនកិច្ចនេះជាលើកដំបូងជាមួយស្ថានភាពផ្នែកការទូតពេញលេញនៃដំណើរទស្សនកិច្ចផ្លូវរដ្ឋ។