ការប៉ះទង្គិចគ្នាខ្លាំង និងការបាញ់កាំភ្លើងធំ បានផ្ទុះឡើងនៅរដ្ឋធានីប្រទេសស៊ូដង់កាលពីព្រឹកថ្ងៃពុធ ភ្លាមៗបន្ទាប់ពីបទឈប់បាញ់រយៈពេល៧២ម៉ោងរវាងភាគីជម្លោះបានផុតកំណត់នៅម៉ោង៦:០០នាទី។ ការប្រយុទ្ធគ្នារវាងកងកម្លាំងប្រដាប់អាវុធស៊ូដង់ និងគូប្រជែងរបស់ខ្លួន កងកម្លាំងគាំទ្ររហ័ស(RSF) ដែលបានផ្ទុះឡើងដំបូងក្នុងពាក់កណ្តាលខែមេសា និងបានរារាំងជីវិតរស់នៅរបស់ពលរដ្ឋក្នុងតំបន់ នៅក្នុងតំបន់រដ្ឋធានីដ៏ធំរបស់ប្រទេស រួមមានរដ្ឋធានី Khartoum ទីក្រុង Omdurman និងទីក្រុង Khartoum ភាគខាងជើង ព្រមទាំងនៅក្នុងទីក្រុង Kordofan ខាងត្បូង។

កាលពីពេលថ្មីៗ ការប៉ះទង្គិចគ្នាជាច្រើន បានផ្អាកក្នុងអំឡុងបទឈប់បាញ់រយៈពេល៣ថ្ងៃ ប៉ុន្តែភ្លើងសង្គ្រាមបានឆាបឆេះឡើងវិញកាលពីល្ងាចថ្ងៃអង្គារ បន្ទាប់ពីទីស្នាក់ការទីភ្នាក់ងារស៊ើបអង្កេតសកលក្នុងទីក្រុងKhartoum របស់ប្រទេសស៊ូដង់ ត្រូវបានភ្លើងឆេះ បន្ទាប់ពីការផ្ទុះដោយការវាយប្រហារ។ ភាគីជម្លោះទាំងពីរបានចោទដាក់គ្នាទៅវិញទៅមកពីការបំពានបទឈប់បាញ់ដោយការចាប់ផ្តើមវាយប្រហារជាច្រើនលើក។ កាលពីថ្ងៃពុធ កងកម្លាំងប្រដាប់អាវុធស៊ូដង់ (SAR) បានចាប់ផ្តើមវាយប្រហារតាមអាកាសលើទីតាំងយោធាចំនួន២កន្លែង ដែលធ្វើប្រតិបត្តិការដោយកងកម្លាំងគាំទ្ររហ័សនៅរដ្ឋធានី Khartoum ភាគខាងត្បូង។

ពលរដ្ឋនៅក្នុងទីក្រុង បានភៀសខ្លួនចេញ ប៉ុន្តែការប្រយុទ្ធគ្នានៅបន្តរាលដាលដល់ទីប្រជុំជនដែលមានមនុស្សច្រើន និងតំបន់ពលរដ្ឋរស់នៅ ដែលជីវិតបន្តរស់នៅកាន់តែលំបាកសម្រាប់អ្នកទាំងឡាយណាដែលបន្តស្នាក់នៅ។

ជម្លោះរយៈពេលជាង៦០ថ្ងៃ បានបណ្តាលឲ្យប្រទេសនេះធ្លាក់ចូលក្នុងមហន្តរាយមនុស្សធម៌ ដោយជនភៀសខ្លួនស៊ូដង់ជាង៥សែននាក់ បានភៀសខ្លួនទៅកាន់បណ្តាប្រទេសជិតខាង និងប្រមាណ២លាននាក់ ភៀសខ្លួនតែនៅក្នុងប្រទេស។