​សហ​នាយក​ប្រតិបត្តិ​ក្រុមហ៊ុន Netflix លោក Ted Sarandos បាន​សន្យា​នៅ​ថ្ងៃ​ព្រហស្បតិ៍ (២២ មិថុនា​)​នេះ ថា​កា​វិនិយោគ​ដ៏​ច្រើន​របស់ខ្លួន​នៅក្នុង​មាតិកា​របស់​កូរ៉េខាងត្បូង​គឺ​ដើម្បី​គាំទ្រ​អ្នកបង្កើត​វ័យក្មេង ហើយនឹង​មិន​រំលង​អ្នកមាន​ទេពកោសល្យ​ក្នុងស្រុក​វ័យក្មេង​នោះទេ បន្ទាប់ពី​មានការ​អំពាវនាវ​ដោយ​សមាជិកសភា​មួយចំនួន​សម្រាប់​ក្រុមហ៊ុន​ផ្សាយពាណិជ្ជកម្ម​ដ៏​ធំ​មួយ​នេះ​ដើម្បី​ចែករំលែក​ប្រាក់ចំណេញ​កាន់តែច្រើន​ជាមួយ​អ្នកបង្កើត​មាតិកា​។​

​លោក Sarandos បាន​និយាយថា "​ជា​ឧទាហរណ៍​គឺ​រវាង​ឆ្នាំ ២០២២ និង ២០២៥ ភាពយន្ត​មួយ​ក្នុងចំនោម​ភាពយន្ត​ប្រាំ​របស់​យើង​ដែល​បង្កើតឡើង​សម្រាប់ Netflix នឹង​ចេញ​មកពី​អ្នកនិពន្ធ​ដំបូង ឬ​អ្នកដឹកនាំ​រឿង​ដំបូង​" ។ លោក​ក៏បាន​សំអាង​ដល់​របាយការណ៍​មួយ​ផងដែរ ដែលថា​ភាពជោគជ័យ​នៃ​មាតិកា​កូរ៉េ​ដូចជា "​ភាពយន្ត​រឿង ល្បែង​មរណៈ (Squid Game)" បាន​បង្កើត​ការងារ​រាប់ពាន់​កន្លែង​សម្រាប់​ប្រជាជន​កូរ៉េ​។​

​កាលពី​ថ្ងៃ​ពុធ (២១ មិថុនា​) លោក Sarandos បាន​ជួប​ជាមួយ​អ្នកដឹកនាំ​រឿង​ដ៏​ល្បីល្បាញ​របស់​កូរ៉េខាងត្បូង​លោក Park Chan-wook និង​និស្សិត​ផ្នែក​ភាពយន្ត ហើយ​បាន​និយាយថា​ចេញផ្សាយ​ភាពយន្ត​ពី​ប្រទេស​ផ្សេងៗ មិនមែន​ត្រឹមតែ​ភាពយន្ត​ហូលីវូដ​នោះទេ គឺជា "​ការសម្រេចចិត្ត​ដ៏​មាន​មោទនភាព​បំផុត​" របស់លោក​។​

​ប្រទេស​កូរ៉េខាងត្បូង​បាន​ផលិត​ខ្សែភាពយន្ត​ភាគ​ចំនួន​៤​រឿង ក្នុងចំណោម​រឿង​ទាំង​១០​ដែល​មិនមែន​ភាសា​ឣ​ង់​គ្លេ​ស​ដែលមាន​អ្នកទស្សនា​ច្រើន​បំផុត​របស់​ក្រុមហ៊ុន Netflix រួមទាំង "​ភាពយន្ត​រឿង ល្បែង​មរណៈ (Squid Game)" ដែល​ទទួលបាន​ជោគជ័យ​ជា​អន្តរជាតិ​ដ៏​ទូលំទូលាយ​នៃ​ការនាំចេញ​វប្បធម៌​របស់​ប្រទេស ហើយ​បាន​ជំ​រុញឱ្យ​ក្រុមហ៊ុន​នេះ​ប្រកាស​ការវិនិយោគ​ចំនួន ២,៥ ពាន់​លាន​ដុល្លារ នៅក្នុង​មាតិកា​ប្រទេស​កូរ៉េ កាលពី​ខែមេសា​៕​