ភ្នំពេញ៖ ប្រជាពលរដ្ឋរស់នៅក្នុងរាជធានីភ្នំពេញ បានត្រៀមលក្ខណៈសម្បត្តិរួចស្រេច ក្នុងការទៅចូលរួមការបោះឆ្នោតជ្រើសតាំងតំណាងរាស្ត្រនីតិកាលទី០៧ ឆ្នាំ២០២៣ ដែលនឹងចូលមកដល់នៅពេលឆាប់ៗខាងមុខនេះ ហើយពួកគាត់ក៏បានប្តេជ្ញាបន្តគាំទ្រគណបក្ស​ប្រជាជនកម្ពុជា ​ដើម្បីជាប់ឆ្នោតបន្តដឹកនាំប្រទេស។

ប្រជាពលរដ្ឋ បានលើកឡើងថា ​ពួកគាត់បានត្រៀមខ្លួនរួចរាល់ ដោយមានអត្តសញ្ញាណបណ្ណ​សញ្ជាតិខ្មែរ និងបានទៅពិនិត្យឈ្មោះរួចរាល់នៅតាមបណ្ឌល​នៅមូលដ្ឋានដែលពួកគាត់​ត្រូវទៅ​ចូលរួមបោះឆ្នោតផងដែរ ។ ដូច្នោះហើយនៅថ្ងៃទី២៣ ​ខែកក្កដា ឆ្នាំ២០២៣ខាងមុខនេះ ​ដែលជាថ្ងៃ នៃ​ការបោះឆ្នោតជ្រើសតាំងតំណាងរាស្ត្រនោះ ពួកគាត់ទាំងអស់គ្នា​ នឹងទៅចូលរួមបោះឆ្នោះ​ជូន​គណបក្សប្រជាជនកម្ពុជា ​ដើម្បីបន្តការដឹកនាំ និងបន្តនាំការអភិវឌ្ឍ រួមទាំងសុខសន្តិភាព ជូនប្រជាពលរដ្ឋ និងប្រទេស ។

ក្រៅពីការដែលបានត្រៀមខ្លួនជាស្រេច ​ក្នុងការទៅចូលរួមបោះឆ្នោតនោះ ក្រុមពលរដ្ឋក៏បានបង្ហាញ​ការមើល​ឃើញពី​ការអភិវឌ្ឍ​ជាខ្លាំង​លើគ្រប់វិស័យទាំងអស់ ​ទាំងនៅក្នុងរាជធានីភ្នំពេញ និង​តាម​បណ្តាខេត្ត​នៅទូទាំងប្រទេស ​ក្រោមការដឹកនាំ​ប្រទេស​ប្រកប​ទៅ​ដោយ​កិត្តិ បញ្ញា​ញាណ​ដ៏​វៀង វៃ របស់​សម្តេចតេជោ ហ៊ុន សែន ​នាយករដ្ឋមន្ត្រី ​នៃព្រះរាជាណាចក្រកម្ពុជា ។

ពលរដ្ឋ លើកឡើងថា សម្តេចតេជោ ​ជាស្ថាបនិកប្រទេសដ៏អស្ចារ្យ ​ដែល​សម្តេច​បាន​នាំសុខ​សន្តិភាព និ​ងការអភិវឌ្ឍ​យ៉ាងខ្លាំងខ្លា ​ជូនជាតិមាតុភូមិ​ ជាបន្តបន្ទាប់ ។ ក្នុង​យុគ្គសម័យ​បច្ចុប្បន្ននេះ ពួកគាត់​ បាន​សម្លឹង​ឃើញអគារខ្ពស់ៗ​ស្កឹមស្កៃ​ជាច្រើន ​នៅ​ពាសពេញ​ផ្ទៃប្រទេស ពិសេសរាជធានី​ភ្នំពេញ , ផ្លូវថ្នល់ ផ្លូវជាតិ និងផ្លូវ​ល្បឿនលឿន​ជា​ច្រើនខ្សែ ​បាន​ស្ថាបនា​ឡើងជាបន្តបន្ទាប់ទៀត ។

ដោយបានសារតែមើលឃើញពីការអភិវឌ្ឍ​ ក្រោមការ​ដឹកនាំ​របស់​សម្តេចតេជោ​ នោះហើយ ទើប​ក្រុមពលរដ្ឋ ​បានបង្ហាញ​ទឹកចិត្ត​នៅបន្ត​គាំទ្រ​គណបក្សប្រជាជនកម្ពុជា​បន្តទៀត និង​បន្ត​បោះឆ្នោត​ជូនគណបក្ស ​សម្រាប់ការបោះឆ្នោត​ជ្រើសតាំង​តំណាងរាស្ត្រ​នីតិកាលទី០៧ ឆ្នាំ២០២៣ខាងមុខនេះ ៕ អត្ថបទ ៖ លីហេង