អ៊ីស្រាអែល៖ ក្រុមសកម្មប្រយុទ្ធហាម៉ាស់នៅក្នុងតំបន់ហ្គាហ្សា បានបញ្ចេញរូបភាពវីដេអូបង្ហាញពីអ្វីដែលពួកគេនិយាយថា ក្រុមអ្នកប្រយុទ្ធកំពុងត្រៀម និងក្រោយការបាញ់គ្រាប់រ៉ូកែតហ្វូងទៅលើគូសត្រូវអ៊ីស្រាអែល។
ក្រុមយោធារបស់ក្រុមហាម៉ាស់បាននិយាយថា ការបាញ់ស្រុះគ្នាទាំងនេះមានបំណងដាក់គោលដៅលើទីក្រុង Ashkelon Ashdod និងទីក្រុង Tel Aviv នៅភាគខាងត្បូង និងចំកណ្ដាលប្រទេសអ៊ីស្រាអែលតែម្ដង។ សារព័ត៌មាន AP មិនអាចស្វែងរកការបញ្ជាក់ឲ្យបានច្បាស់លាស់ពីខ្លឹមសារ កាលបរិច្ឆេទ ឬទីតាំងរបស់វីដេអូនេះបានទេ ទោះបីជាក្រុមហាម៉ាស់និយាយថា ខ្លួនបានថតកាលពីថ្ងៃអង្គារយ៉ាងណាក្ដី។
ចំណែកខាងយោធាអ៊ីស្រាអែលវិញបាននិយាយថា ក្រុមសកម្មប្រយុទ្ធបានបាញ់រ៉ូកែតប្រហែល ១,៥០០គ្រាប់ត្រឹមតែរយៈពេល ៣ថ្ងៃប៉ុណ្ណោះ។ ចំនួននោះស្មើនឹង ១/៣ នៃចំនួនគ្រាប់ដែលបានបាញ់អំឡុងសង្គ្រាមតំបន់ហ្គាហ្សាឆ្នាំ២០១៤។ ក្រុមសកម្មប្រយុទ្ធហ្គាហ្សានៅតែបន្តបាញ់ស្រោចទៅលើអ៊ីស្រាអែល ដោយគ្រាប់រ៉ូកែតកាលពីពុធរហូតមកដល់ព្រឹកថ្ងៃព្រហស្បតិ៍នេះ៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
