ទឹកជំនន់ដែលបង្កឡើងដោយភ្លៀងធ្លាក់ខ្លាំងបានបង្ខំឱ្យពលរដ្ឋនៅតាមភូមិនានា និងទីប្រជុំជនក្នុងរដ្ឋ Assam ភាគឦសានប្រទេសឥណ្ឌា ភៀសខ្លួនចេញពីលំនៅឋានរបស់ពួកគេ និងស្វែងរកទីជម្រកកាលពីថ្ងៃព្រហស្បតិ៍ទី ២២ ខែមិថុនា។

នៅក្នុងស្រុក Nalbari ពលរដ្ឋប្រមាណ ៤៥.០០០ នាក់ត្រូវបានរាយការណ៍ថារងផលប៉ះពាល់។ ពលរដ្ឋមួយចំនួនត្រូវបានគេឃើញនាំយកទៅជាមួយនូវទ្រព្យសម្បត្តិ ខណៈពួកគេដើរកាត់ទឹកជំនន់។

ភ្លៀងធ្លាក់ខ្លាំងបាននាំឲ្យទឹកទន្លេ Pagladiya មានប្រភពមកពីប្រទេសប៊ូតានដែលនៅជិតខាង ហើយហូរកាត់ទីក្រុងនានាក្នុងរដ្ឋ Assam ដែលហួសពីកម្រិតគ្រោះថ្នាក់។

ខ្យល់មូសុងខ្លាំងគឺតែងតែកើតឡើងជារៀងរាល់ឆ្នាំនៅក្នុងរដ្ឋ Assam បណ្តាលឱ្យមានទឹកជំនន់ និងបំណាក់ដី ដែលបង្ខំឱ្យពលរដ្ឋត្រូវជម្លៀសខ្លួនចេញពីលំនៅឋានរបស់ពួកគេ ដែលជារឿយៗបន្សល់ទុកនូវរបស់របររបស់ពួកគេពុំអាចយកទៅបាន។