អ្នកសង្គ្រោះម្នាក់បាននិយាយថា បំពង់ពន្លត់អគ្គិភ័យ បានផ្ទុះអំឡុងពេលលំហាត់សមពន្លត់អគ្គិភ័យប្រចាំឆ្នាំនៅសាលាវិទ្យាល័យមួយកន្លែង ក្នុងរដ្ឋធានីប្រទេសថៃ បណ្តាលឲ្យសិស្សម្នាក់ស្លាប់ និង៥នាក់ផ្សេងទៀតរងរបួស។

លោក Anyawut Phoampai មកពីអង្គការ Ruam Katanyu ជាអង្គការជួយសង្គ្រោះធំបំផុតមួយរបស់ប្រទេសថៃ ដែលបានបញ្ជាក់ពីការស្លាប់និងរងរបួស និយាយថា បំពង់ពន្លត់អគ្គិភ័យ ដែលបានផ្ទុះគឺជាបំពង់ពន្លត់អគ្គិភ័យប្រភេទ CO2 ហើយអាចមានបញ្ហាមកពីការដាក់ឲ្យត្រូវកម្តៅព្រះអាទិត្យ ឬកម្តៅ។

ឧបទ្ទវហេតុនេះ បានកើតឡើងនៅសាលារៀន Rajavinit Mathayom ក្នុងសង្កាត់ Dusit ទីក្រុងបាងកក ប្រទេសថៃ។

សារព័ត៌មានអនឡាញ Matichon (ម៉ាទីឆុន) បានរាយការណ៍ថា ជនរងគ្រោះដែលបានស្លាប់ គឺជាសិស្សរៀនថ្នាក់ទី១១ បានមកចូលរួមក្នុងលំហាត់ហាត់សមពន្លត់អគ្គិភ័យប្រចាំឆ្នាំ។ សាលារៀន បានបិទទ្វារបន្ទាប់ពីឧបទ្ទវហេតុ។