រុស្ស៊ី ៖ រុស្ស៊ីបានចោទប្រកាន់មេបញ្ជាការនាយទាហានស៊ីឈ្នួលលោក Yevgeny Prigozhin ពីបទចាប់ផ្តើមការបះបោរប្រដាប់អាវុធ បន្ទាប់ពីលោកបានប្តេជ្ញាដាក់ទណ្ឌកម្មលើមេដឹកនាំយោធាដែលលោកបានចោទប្រកាន់ពីការស្លាប់ក្រុមអ្នកប្រយុទ្ធរបស់លោកចំនួន ២.០០០ នាក់ ដោយបង្កើនហានីភ័យនៅក្នុងការប្រឈមមុខដាក់គ្នាដែលកំពុងកើនឡើងកាន់តែខ្លាំងជាមួយក្រុមមន្ត្រីកំពូលៗ។ ទីភ្នាក់ងារសារព័ត៌មាន TASS បានរាយការណ៍ថា ខណៈការប្រឈមមុខគ្នាយូរអង្វែងរវាងលោក Prigozhin និងយោធាកំពូលកំហឹងក្រោតបានកើតឡើង ដែលអង្គភាពសេវាសន្តិសុខ FSB របស់រុស្ស៊ីបានបើកសំណុំរឿងព្រហ្មទណ្ឌលើលោក ហើយអង្គភាពបានអំពាវនាវឱ្យក្រុមអ្នកប្រយុទ្ធមកពីក្រុមហ៊ុនយោធាឯកជន Wagner របស់លោកកុំអើពើចំពោះបទបញ្ជានិងការចាប់ខ្លួនលោក។ ទន្ទឹមនឹងនេះទីក្រុង Kyiv បាននិយាយថា ការជំរុញដ៏សំខាន់នៅក្នុងការវាយបករបស់ខ្លួនប្រឆាំងការវាយលុករបស់ទីក្រុងមូស្គូមិនទាន់ត្រូវបានចាប់ផ្តើមនៅឡើយ។ អនុរដ្ឋមន្ត្រីក្រសួងការពារជាតិ លោកស្រី Hanna Maliar បានប្រាប់ទូរទស្សន៍អ៊ុយក្រែនថា ការវាយបកនៅតែកើតមានឡើង ។ ឧត្តមសេនីយ ជាន់ខ្ពស់អ៊ុយក្រែនម្នាក់បានរាយការណ៍ថា ជោគជ័យជាក់ស្តែង នៅក្នុងការរុលទៅមុខទៅភាគខាងត្បូង គឺជាទីតាំងមួយក្នុងចំណោមទីតាំងសំខាន់ៗចំនួនពីរនៃប្រតិបត្តិការរួមជាមួយភាគខាងកើតអ៊ុយក្រែន។ ទាហានរុស្ស៊ីនៅទីនោះ បានប្រយុទ្ធរួមគ្នាជាមួយទាហានស៊ីឈ្នួលមកពីកម្លាំងទីហានស៊ីឈ្នួល Wagner របស់លោក Prigozhin ។ ទីភ្នាក់ងារសារព័ត៌មានTASS បានរាយការណ៍ដោយដកស្រង់ប្រភពពីអង្គភាពសេវាសន្តិសុខថា សន្តិសុខត្រូវបានបង្កើនកាលពីយប់ថ្ងៃសុក្រនៅអគាររដ្ឋាភិបាល ទីតាំងដឹកជញ្ជូន និងទីតាំងសំខាន់ៗផ្សេងទៀតក្នុងទីក្រុងមូស្គូ ។ រថយន្តយោធាបានបិទផ្លូវជាច្រើនកន្លែងក្នុងទីប្រជុំជន Rostov-On-Don ជាទីក្រុងមួយនៅប្រទេសរុស្ស៊ីភាគខាងត្បូង ភ្លាមៗបន្ទាប់ពីប្រធានក្រុមហ៊ុន Wagner លោក Yevgeny Prigozhin បានប្រកាស «ការហែក្បួន» របស់លោកកាលពីថ្ងៃសុក្រ ទី២៣ ខែមិថុនា។