សូដង់ ៖​ សង្រ្គាមរយៈពេលពីរខែនៅស៊ូដង់ ដែលកំពុងបន្តអូសបន្លាយនៅទូទាំងប្រទេសដោយកងទ័ពជាតិ និង​កងកម្លាំងគាំទ្ររហ័ស ឬ RSF បានប៉ះទង្គិចគ្នានៅក្នុងតំបន់ជាច្រើនកាលពីថ្ងៃសុក្រ។ ការវាយប្រហារតាមអាកាស និងការបាញ់មីស៊ីលប្រឆាំងយន្តហោះបានវាយប្រហារពេញមួយយប់នៅក្នុងទីក្រុង Omdurman និងរដ្ឋធានី Khartoum ជាទីក្រុងចំនួនពីរក្នុងចំណោមទីក្រុងទាំងបីដែលបង្កើតបានជារដ្ឋធានីធំទូលាយរបស់ប្រទេសស៊ូដង់។ ប៉ុន្តែសង្គ្រាមបានកើនឡើងកម្តៅក្នុងរយៈពេលប៉ុន្មានថ្ងៃថ្មីៗនេះនៅក្នុងទីក្រុងនានានៅភាគខាងលិចរដ្ឋធានីក្នុងទីក្រុង Darfur និង Kordofan ដ៏ផុយស្រួយ។ នៅទីក្រុង Al Fashir រដ្ឋធានីនៃរដ្ឋ North Darfur បទឈប់បាញ់ដ៏ផុយស្រួយ​បានដួលរលំនៅពេលដែលកងកម្លាំងទាំងពីរបានប៉ះទង្គិចគ្នានៅក្នុងតំបន់លំនៅឋានពលរដ្ឋ។

នៅក្រុង El Obeid រដ្ឋធានី North Kordofan និងជាមជ្ឈមណ្ឌលដឹកជញ្ជូនរវាងរដ្ឋធានី Khartoum និងតំបន់ Darfur ជាកន្លែងដែលកងកម្លាំងគាំទ្ររហ័ស(RSF) មានវត្តមានយ៉ាងសំខាន់ ជាកងកម្លាំងយោធាប៉ារ៉ា ដែលបានប៉ះទង្គិចជា​មួយនគរបាលបម្រុងកណ្តាលប្រដាប់ដោយអាវុធធុនធ្ងន់។ ពលរដ្ឋ និងក្រុមឃ្លាំមើលសិទ្ធិមនុស្សបាននិយាយថា ការប្រយុទ្ធគ្នាខ្លាំងគឺនៅទីក្រុង Darfur ខាងលិចជាកន្លែងដែលកងជីវពលគាំទ្រដោយកកងកម្លាំងរហ័ស បានវាយ​លុកតំបន់នានានៅទីក្រុង និងបានបង្ខំឱ្យមានជនភៀសខ្លួនយ៉ាងច្រើន។

សហរដ្ឋអាមេរិកបាននិយាយកាលពីថ្ងៃព្រហស្បតិ៍ថា ខ្លួនបានផ្អាកកិច្ចពិភាក្សាដែលរហូតមកដល់​ពេលនេះបាន​បង្ហាញពីវេទិកាតែមួយគត់សម្រាប់ការពិភាក្សារវាងភាគីទាំងពីរ ទោះបីជាវាគ្រាន់តែជាលទ្ធផលរយៈពេលខ្លី ដែលជាញឹកញាប់បានបំពានលើកិច្ចព្រមព្រៀងបទឈប់បាញ់មនុស្សធម៌ក៏ដោយ។

ការប៉ះទង្គិចគ្នាបានបន្តកាលពីថ្ងៃសុក្រនៅភាគខាងត្បូងទីក្រុង Nyala ហើយពលរដ្ឋក្នុងតំបន់​ម្នាក់បាននិយាយ​ថាជនស៊ីវិលជាច្រើនបានស្លាប់។